Anna Keller (Fraueräächtleri)

D Anna Katharina Keller (* 24. Jänner 1879 z Baasel; haimetberäächtigt z Baasel un z Waldcherch; † 31. Augschte 1962 z Baasel) isch e Schwyzer Lehreri, Schriftstelleri un Fraueräächtleri gsii.

d Anna Keller (um 1915)

Lääbe ändere

D Anna Katharina Keller isch as Doochter vum Karl Albert un dr Anna Katharina, geb. Eckenstein, z Baasel uf d Wält chuu. Si isch uf d Deechterschuel z Baasel gange un het no as Primaarlehreri z Binningen, z Gelterkinden un z Baasel unterriichtet. Dernääbe het si vu 1903 bis 1907 an dr Uniwersitet Baasel studiert un mit eme Diploom as Mittelschuellehreri abgschlosse.

Si het 24 Johr lang as Sekundaarlehreri im Dreirooseschuelhuus Baasel glehrt un isch vu 1924 bis 1932 Iebigslehreri am Lehrerseminar Baasel gsii. Si het modäärni pedagoogischi Idee verdrätte wie die vum Gsamtunterriicht. Si isch Bresidänti vu dr Baasler Sekzioon vum Schwyzerische Lehrerneverain woore un vu 1920 bis 1924 däm sy Zäntraalbresidänti.

D Keller het si fir di räächtli Glyychstellig vu dr Gschläächter engaschiert. An dr Lehrerneversammlig vum 24. April 1918 z Baasel het si ne Referaat iber «Glyychi Aarbet, glyyche Lohn» ghalte. Si isch Mitgrinderi vu dr Verainigung fir Frauestimmräächt Baasel un Umgeebig gsii.[1]

Näb em Beruf un no dr Pänsionierig het si as Schriftstelleri Proosaa un Lyrik fir Chinder un Erwagseni gschriibe, uf Schriftdytsch un au uf Baaseldytsch. Mer chännt si vor allem dur iri Chinder- un Juugedbiecher.[2][3]

Uusglääseni Wäärch ändere

  • Der Drachenbrunnen. Der Mann im Mond. Verein für Verbreitung Guter Schriften, Basel 1909.
  • Kleines Festspiel in 3 Bildern zur Einweihung des Basler Ferienheimes in Prêles. Gasser, Basel 1914.
  • Wienacht und Winterfraid. Basel 1931.
  • Kindermärchen. Aarau 1937.
  • Die fünf Batzen. Schweizerisches Jugendschriftenwerk, Zürich 1934.
  • Schulmeister Pfiffikus und andere Märchen. Blaukreuz, Lausanne 1936.
  • Kindermärchen. Schwabe Verlag, Basel 1937.
  • Kleine Wunderwelt. Schwabe, Basel 1939.
  • Um die liebe Weihnachtszeit. Basel 1940.
  • O Tannenbaum. Basel 1943.
  • Ein Winter im blühenden Holderbusch. Aarau 1944.
  • Wiehnachtsvärsli zum Uffsage unterem Tannebaum. Basel 1944.
  • Gibt es ein Christkind? Basel 1945.
  • Glick und Säge. Aarau 1947.
  • Wir Bergleinkinder. Basel 1948.
  • Ihr Kinderlein kommet! Basel 1949.
  • Am Himmel goht e Tirli uff. Basel 1951.
  • Erntedankfest – Spiele. Basel 1951.
  • Wenn ihr nicht werdet wie die Kinder. Basel 1952.
  • So härzigi Tierli git’s. Sauerländer, Aarau 1943.
  • Der feurige Schluck und andere Geschichten. 2. Auflage, Schweizerisches Jugendschriftenwerk, Zürich 1955.
  • Ein Krättlein voll neuer Geschichten. Sauerländer, Aarau 1956.
  • D’Wunschfee und anderi Theaterspil. Schweizerisches Jugendschriftenwerk, Zürich 1957.
  • Cuentos populares suizos. Ed. Molino, Barcelona 1959.
  • Um die liebe Weihnachtszeit. Majer, Basel 1961.
  • mit dr Hanna Helwig: Unsere kleine Ursula. Ars sacra, München 1966.

Literatur ändere

Weblink ändere

Fueßnote ändere

  1. Anna Katharina Keller. In: Kaspar Birkhäuser: Das Personenlexikon des Kantons Basel-Landschaft. Kanton Basel-Landschaft, Liestal 1997.
  2. Deutsches Literatur-Lexikon. Bd. 8 (1981).
  3. Basilea Poetica. Basel 1955.
  Dä Artikel basiert uff ere fräie Übersetzig vu dere Version vum Artikel „Anna_Keller_(Frauenrechtlerin)“ vu de <dütsche Wikipedia. E Liste vu de Autore un Versione isch do z finde.