Antoinette Eckert

D Antoinette Eckert (* 13. März 1956 z Basel) isch e Schwiizer Politikerin (FDP).

Läbe

D Eckert het im Aaschluss an d Schuel en Usbildig zur Telegrafischtin z Bärn und z Biu gmacht. Aaschlüssend het si bruefsbegleitend e KV-Lehre absolviirt und als Fernmeldesekretärin bi de Chreistelefondirektion PTT z Züri gschaffet. Wegem Bruef vom Maa het si vo 1983 bis 1887 z Caracas gläbt, aschlüssend bis ins 1992i z Barcelona. Ändi 1992 isch si mit de Familie zrück in d Schwiiz cho und läbt sither z Wettige.

Politik

Sit em 2009i isch d Antoinette Eckert Grossrötin im Kanton Aargau. Vo 2000 bis 2017 isch si Gmeindrötin z Wettige gsi, davo di letschte viir Johr als Frau Vizeammaa. S Amt het si uf de 1. Jänner 2014 vom Heiner Studer übernoh und Ändi 2017 an de Markus Maibach abgeh. Si isch Mitgliid vom Stiftigsrot vom Kurtheater Bade-Wettige, vo de Kulturwägstiftig Bade-Wettige-Noiehof und vo de Eduard Spörri-Stiftig Wettige.

Weblink

• Website vo de Antoinette Eckert
• Portrait uf de Website vo de Gmeind Wettige
• Site im Grosse Rot Aargau