Anton Muheim
Dr Anton Muheim (* 13. Juni 1916 z Lozärn; † 11. Mai 2016; vu Lozärn un Flüele) isch e Schwyzer Bolitiker (SP). Är isch Regierigsrot vum Kanton Lozärn, Nationalrot un Nationalrotsbresidänt gsii.
Lääbe
ändereDr Muheim isch as Suhn vun eme Schiffkontrolleur, SUVA-Beamten un Bolitiker uf d Wält chuu. Är isch ghyrote gsii mit dr Sekundarlehrein Elsa Grossmann. Dr Muheim het an dr Universitete Züri un Bärn Rächstwisseschaften un Volkswirtschaft studiert, het derni zum Dr. nat. oec. Promoviert un bim Nationalrot Eduard Arnold en Aawaltspraktikum gmacht. Vu 1942 bis 1959 het er en aigeni Chanzlei bedribe.[1]
Dr Muheim isch Mitglid vu dr Sozialdemokratische Bartei vu dr Schwyz gsii un isch anne 1943 in dr Große Stadtrot vu dr Stadt Lozärn gwehlt wore, wun er bis 1959 Mitglid gsii isch. Dernäbe isch er vu 1949 bis 1959 Bresidänt vu dr Lozärner Sektion vum VPOD gsii. Anne 1959 isch dr Muheim in dr Regierigsrot vum Kanton Lozärn gwehlt isch dert Vorsteher vum Juschtizdepartemänt wore. In dr Lozärner Regierig isch er s erscht Mitglid vu dr SP gsii un het mit syre Wahl e Tradition vu dr Regierigsbedailigung vu dr SP im Kanton Lozärn grindet, wuerscht anne 2015 noch em Ruggdritt vu dr Yvonne Schärli un em Uusschyyde vu dr SP us dr Regierig broche woren isch, Dr Muheim isch anne 1978 as Regierigsrot zruggdrätte. Dernäben isch ervu 1963 bis 1983 fir dr Kanton Lozärn im Nationalrot ghockt, wun er im Amtsjohr 1973/74 bresidiert het. Vu 1978 bis 1984 het er dr Barlemäntarische Versammlig vum Europarot aaghert, 1980 bis 1981 as däre ihre Vizebresidänt. 1976 bis 1987 het dr Muheim em Zäntralvorstand vu dr Pro Infirmis aaghert un isch 1984 Mitgrinder vum Landschaftsschutzverband Vierwaldstättersee gsii, wun er bis 1993 bresidiert het.[1]
Dr Anton Muheim het z Lozärn gläbt.[2] Är isch syt em Dod vum Ettore Tenchio dr eltscht läbig Alt-Nationalrot vu dr Schwy gsii un syt em Dod vum Albin Heimann s eltscht läig Mitglid vu dr Bundesversammlig vu dr Schwyzerische Aidgnosseschaft.
Weblink
ändere- Markus Trüeb: Muheim, Anton. In: Historisches Lexikon vo dr Schwiiz.
- Muheim Anton uf dr Websyte vum Schwyzer Barlemänt
Fueßnote
ändere- ↑ 1,0 1,1 Markus Trüeb: Muheim, Anton. In: Historisches Lexikon vo dr Schwiiz.
- ↑ Muheim Anton uf dr Websyte vu dr Bundesversammlig
|
Dä Artikel basiert uff ere fräie Übersetzig vu dere Version vum Artikel „Anton_Muheim“ vu de dütsche Wikipedia. E Liste vu de Autore un Versione isch do z finde. |