Hauptmenü ufmache

Arthur Honegger (Schriftsteller)

e Schwizer Schurnalischt, Schriftsteller und Politiker (SP)

LääbeBearbeite

Dr Arthur Honegger isch as nit-eeli Chind vu Amts wäge dr minderjehrige Mueter Elsa Klara Honegger ewäggnuu in zuen ere Bflägfamilie im Zürcher Oberland gee wore. Mit vierzeh isch er in e Haim chuu, speter as Verdingchind zue me Buur un schließlig in dr Arbetserziehigsaastalt Üetike bi Züri. Nodäm er vu dert entloo woren isch, het er si in verschidene Beruef duregschlaa: a Chnäächt, Rytbursch, Mineur, Melker, Arbaiter in dr Maschineninduschtry, Wärchstattschryber.

Anne 1960 isch er Sekretär vu dr Sozialdemokratische Bartei vum Kanton Thurgau un Redaktor vu dr Thurgauer Arbeiterzeitung wore. Dr Durbruch as Schurnalischt isch em as Redaktor bim Boulevardblatt Blick vu 1962 bis 1969 glunge, wun ere unter anderem as Brichterstatter fir dr Noch Oschte im Sechsdägchrieg un bim Auschwitzbrozäss z Frankfurt gschribe het. Anne 1970 isch er as Schefredaktor zum Diners Club Magazin gwächslet.

Anne 1974 isch sy erscht Buech, Die Fertigmacher erschine, iber sy Chindhait un Juged. Vu 1991 bis 1996 isch er Mitglid vum St. Galler Kantonsrot gsii. Dr Honegger isch syter anne 1949 mit dr Heidi Vogelbach ghyrote gsii, het drei Chinder ghaa un im toggenburgische Chrummenau gläbt.

Dr Honegger het zmaischt stark autobiografisch gferbti Täxt gschribe us Berych, wun er vu inne här gchännt het: Verdingchinder, Armuet, Lokalbolitik, Arbaitermilieu. Dr Roman Wenn sie morgen kommen isch 1981 fir s DDR-Färnseh mit em Titel Der ungebetene Gast unter dr Reschy vum Peter Wekwerth verfilmt wore. 2004 isch dr Film Turi vu dr Lotty Wohlwend un em Renato Müller uusechuu, noch em Roman Die Fertigmacher.

Dr Arthur Honegger isch am 15. Augschte 2017 im Alter vu 92 Johr z Nesslau gstorbe.

UuszaichnigeBearbeite

  • 1974: Ehregab vu dr Stadt Züri
  • 1975: Wärchjohr vum Kanton Züri
  • 1976: Ainzelwärchbryys vu dr Schwyzerische Schillerstiftig
  • 1997: Pro Arte
  • 1999: Anerkännungsbryys vum Kanton St. Galle
  • 2015: Anna-Göldi-Mänscherächtsbryys[1]

WärchBearbeite

RomanBearbeite

  • Die Fertigmacher. Benziger, Zürich 1974, ISBN 3-545-36229-9.
  • Freitag oder die Angst vor dem Zahltag. Benziger, Zürich 1976, ISBN 3-545-36251-5.
  • Wenn sie morgen kommen. Huber, Frauenfeld 1977.
  • Der Schulpfleger. Huber, Frauenfeld 1978.
  • Der Ehemalige. Huber, Frauenfeld 1979.
  • Der Nationalrat. Huber, Frauenfeld 1980.
  • Schneekönig. Huber, Frauenfeld 1980.
  • Alpträume. Huber, Frauenfeld 1981.
  • Wegmacher. Huber, Frauenfeld 1982.
  • Der Schneekönig und andere Geschichten aus dem Toggenburg. Huber, Frauenfeld 1982.
  • Der Weg des Thomas J. Huber, Frauenfeld 1983.
  • Ein Flecken Erde. Huber, Frauenfeld 1984.
  • Das Denkmal. Huber, Frauenfeld 1985.
  • Dobermänner reizt man nicht. Huber, Frauenfeld 1988.
  • Armut. Huber, Frauenfeld 1994.
  • Bernis Welt. Huber, Frauenfeld 1996.
  • Der fremde Fötzel oder Die Wahl in den grossen Rat. Huber, Frauenfeld 1992.
  • Zwillinge. Huber, Frauenfeld 2000.
  • Bühler. Huber, Frauenfeld 2002.
  • Götti. Huber, Frauenfeld 2006.
  • Bedrohliche Tage. Huber, Frauenfeld 2009, ISBN 3-719-31527-4

Reportasche un andersBearbeite

  • Gestohlene Seelen. Verdingkinder in der Schweiz. (mit dr Lotty Wohlwend). Huber, Frauenfeld 2004.
  • Der rote Huber. Reportagen. Huber, Frauenfeld 2007.

Theater-UffierigeBearbeite

  • Berglerleben, urufgfiert: Wetzike 1954.
  • Alpsommer, urufgfiert: Unterwasser 1984.
  • Die Erbfamilie, urufgfiert: Chrummenau 1989.

WeblinkBearbeite

FueßnoteBearbeite

  1. 1,0 1,1 Fridolin Rast:: Mit dem Wort gegen Unrecht, nicht mit der Faust In: Schweiz am Sonntag vum 14. Juni 2015 (PDF).
  2. Nesslau Online: Neuigkeiten: Todesanzeige Arthur Honegger. Abgrüeft am 2017-08-16.
  Dä Artikel basiert uff ere fräie Übersetzig vu dere Version vum Artikel „Arthur_Honegger_(Schriftsteller)“ vu de dütsche Wikipedia.

E Liste vu de Autore un Versione isch do z finde.