Brüggle
Brüggle (amtlich Brügglen) isch e Iiwohnergmein im Bezirk Buecheggberg im Kanton Soledurn, Schwiiz gsii. Am 1. Jänner 2014 het si mit de Gmeinde Ätikofe, Ätige, Bibere, Chibberg-Buechi, Chüttigkofe, Gossliwiu, Hessigkofe, Mülidorf u Schäppech zur noie Gmeind Buechegg fusioniert.
| Brügglen | |
|---|---|
 | |
| Basisdate | |
| Staat: | Schwiiz |
| Kanton: | Soledurn (SO) |
| Bezirk: | Buecheggberg |
| Gmeind: | Buechegg |
| Poschtleitzahl: | 4582 |
| Koordinate: | 604445 / 221498 |
| Höchi: | 547 m ü. M. |
| Flächi: | 1.70 km² |
| Iiwohner: | 200 (31. Dezämber 2013) |
| Website: | www.bruegglen.ch |
| Charte | |
 | |
Geografi ändere
Brüggle isch es Huufedorf uf ere chline Hochfächi vom Mittubuecheggberg. D Gmeindsflächi umfasst 54,7 % langwirtschaftlichi Flächi, 40 % Waud u 5,3 % Sidligsflächi.[1]
Nochbergmeine si Lüterkofe-Ichertswiu, Chüttigkofe, Chibberg-Buechi, Ätige, Mülidorf u Tscheppech.
Gschicht ändere
Brüggle isch zum erschte Mou gnennt worde im Johr 1249 aus Bruglon (1323 Brügglon).
Bevöukerig ändere
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 181 | 191 | 191 | 183 | 183 | 188 | 168 | 148 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 140 | 157 | 166 | 149 | 148 | 139 | 154 | 187 |
De Uusländeraateil isch 2010 bi 1 % gläge.[1]
Religion ändere
75,4 % vo dr Iiwooner si im Johr 2000 evangelisch-reformiert gsii, 9,6 % römisch-katholisch.[1]
Politik ändere
Bi dr Nationalrootswaale 2011 hät s das Ergebnis gää:[1] BDP 5,6 %, CVP 2,9 %, EDU 0,0 %, EVP 0,0 %, FDP 27,8 %. GLP 5,0 %, GP 8,2 %, SP 24,4 %, SVP 20,1 %, Suschtigi 6,0 %.
Gmeindspresidänt isch dr Werner Hartung-Hänggi (Stand 2012).
Wirtschaft ändere
D Arbetslosigkeit isch im Johr 2011 bi 1,0 % gläge.[1]
Sproch und Dialäkt ändere
Bi dr Voukszellig 2000 hei vo dr 187 Iiwohner 98,9 % Dütsch aus Hauptsproch aagää, 0,5 % Italienisch u 0,6 % angeri Sproche.[1]
Dr hochalemannisch Dialäkt vo Brüggle ghört zue dr Dialäkt vo dr Region Soledurn, wo ähnlich si zum Bärndütsch, aber au zuem Nordweschtschwyzerdütsch ghöre.
Weblink ändere
Commons: Brügglen – Sammlig vo Multimediadateie- www.bruegglen.ch
- Peter Lätt: Brügglen. In: Historisches Lexikon vo dr Schwiiz.
Fuessnote ändere
- ↑ 1,0 1,1 1,2 1,3 1,4 1,5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
