Charkiw
Charkiw (ukràinisch Харків 
[ˈxɑrkiu̯](info); noh-n-em Rüssischa Харьков àui Charkow [ˈxarʲkəf]) ìsch nooh Kiew d’ zwaitgreeschta Schtàdt ìn dr Ukràina, mìt äbba 1,5 Millioona Iiwoohner (Schtànd: 2019). D’ Schtàdt lììgt ìm Nordoschta vum Lànd ìn dr hischtoorischa Regioon Sloboschanschtschina. Sa befìndet sìch àn dr Mìndung vum Fluss Charkiw ìn dr Lopan un vum Lopan ìn dr Udy. Sa ìsch s’ Verwàltungszäntrum vum Oblast Charkiw un vum nàmmensgliicha Rajon.
| Charkiw | |||
| (Харків) | |||
|
| ||
| Basisdaten | |||
|---|---|---|---|
| Oblast: | Oblast Charkiw | ||
| Rajon: | Rajon Charkiw | ||
| Höhe: | 152 m | ||
| Fläche: | 306,0 km² | ||
| Einwohner: | 1.446.107 (2019) | ||
| Bevölkerungsdichte: | 4.726 Iiwohner je km² | ||
| Postleitzahlen: | 61000–61499 | ||
| Vorwahl: | +380 572 | ||
| Geografischi Lag: | 50° 0′ N, 36° 15′ O | ||
| KOATUU: | 6310100000 | ||
| Verwaltigsgliderig: | 9 Schtàdtrajona | ||
| Bürgermeister: | Ihor Terechow | ||
| Adresse: | пл. Конституції 7 61200 м. Харків | ||
| Website: | http://www.city.kharkov.ua/ | ||
| Statistischi Informatione | |||
| Dialäkt: Mìlhüüserdiitsch |
D’ Schtàdt ìsch ìn dr Zitt vum Rüssischa Kaiserraich a wìchtig Ìndüschtrii- un Hàndelszäntrum worra mìt’ma riicha kültürälla Laawa. Àm Ààfàng vum 20. Joohrhundert sìnn d’ maischta Schtàdtbewoohner Rüssa gsìì, àwwer mìt dr Äntwìcklung vu dr Ìndüschtrii sìnn vììla Ukràiner üss dr àrma Làndschàft kumma. D’rwillscht hàt d’ sowjetischa Regiarung d’ Beschrankunga-n-uff dr Üssdruck vu dr ukràinischa Kültüür gmaassigt; àlso ìsch àm And vum Zwaita Waltkriag dr greeschta Tail vu dr Charkiwer Beväälkerung offiziäll àls Ukràinisch beziachent worra. Vu Dezamber 1919 bis ìm Janner 1934 ìsch Charkiw d’ äärschta Hàuiptschtàdt vu dr Ukràinischa Soziàlìschta Sowjetrepüblik gsìì.
Mìt 42 Üniwärsitääta un Hoochschüala-n-ìsch Charkiw nooh Kiew s’ bediitendschta Wìssaschàfts- un Bìldungszäntrum ìm Lànd. Sa ìsch àui noch hìtt a wìchtig Ìndüschtriizäntrum; doo wara hàuiptsachlig Màschììna un Eläktrogerääta hargschtällt. Z’ Charkiw sìnn àui mehrera Theààter, Müsee un Lehnbiachäijer z’ fìnda. Ànna 2010 ìsch Charkiw àls äärschta ukràinischa Schtàdt mìt’m Öiropàpriis üsszaichent worra.[1]
Ànna 2014 hann prorüssischa Sepàratìschta ärfolgloos versüacht, d’ Kontrolla-n-ìwwer d’ Schtàdtverwàltung z’ ìwwernamma. Wahrem rüssischa-n-Ìwwerfàll uff d’ Ukràina àb Hornung 2022 hann d’ rüssischa Truppa d’ Schtàdt Charkiw ìntänsiiv bùmbàrdiart.[2] Noh dr UNESCO hann d’ Bùmbàrdiarunga ìnnerhàlb vu da äärschta dräi Wucha mìndeschtens 27 hischtoorischa Gebäijer schweer bschaadigt odd’r gààr zärschteert.[3] Ìm Làuif vu dr Schlàcht ìsch Charkiw àls „Häldaschtàdt vu dr Ukràina“ ärkläärt worra.[4]
Lìteràtüür
ändere- Charkiw. In: Brockhaus Enzyklopädie. Brockhaus (brockhaus.de [abgerufen am 21. September 2022]).
- Kharkiv. In: Encyclopædia Universalis. Encyclopædia Universalis France (französisch, universalis.fr [abgerufen am 21. September 2022]).
- Kharkiv. In: Encyclopædia Britannica. Encyclopædia Britannica, Inc. (britisches Englisch, britannica.com [abgerufen am 21. September 2022]).
- Charkiv. In: Enciclopedia Italiana di scienze, lettere ed arti. Istituto della Enciclopedia Italiana fondata da Giovanni Treccani S.p.A. (italienisch, treccani.it [abgerufen am 21. September 2022]).
Weblìnks
ändere
Commons: Charkiw – Sammlig vo Multimediadateie- city.kharkov.ua – d’ offiziälla Websitta vu dr Schtàdt (uff Rüssisch, Ukràinisch un Anglisch)
- kharkov.ua – Websitta mìt Informàzioona ìwwer d’ Schtàdt (uff Rüssisch)
Ainzelnoohwiisa
ändere- ↑ Towns awarded the Europe Prize (1955-2011). (Nicht mehr online verfügbar.) Pàrlàmantààrischa Versàmmlung vu Öiropàroot, archiviert vom Original am 12. Dezember 2013; abgruefen am 21. September 2022 (änglisch).
- ↑ Michael Schwirtz: Scenes from Kharkiv: Battle wreckage, the boom of artillery, and people sheltering in the subway. In: The New York Times. 25. Februar 2022, archiviert vom Original am 13. September 2022; abgruefen am 21. September 2022 (amerikanischs Änglisch).
- ↑ Isobel Koshiw, Ed Ram: Kharkiv catalogues war's toll on its architectural gems. In: The Guardian. 5. Mai 2022, abgruefen am 15. August 2022 (britischs Änglisch).
- ↑ Elena Bohdanek: Харків, Чернігів, Маріуполь, Херсон, Гостомель і Волноваха тепер міста-герої. Nazionalna Suspilna Teleradiokompanija Ukrajiny, 6. März 2022, archiviert vom Original am 8. April 2022; abgruefen am 21. September 2022 (ukrainisch).