Chemins de fer du Jura

Chemins de fer du Jura
Basisinformatione
Sitz vom Undernähme	Tavannes, Schweiz
Webpräsenz	Französisch und Deutsch
Beschäftigti	151
Linie
Spurwiiti	1435 bzw. 1000 mm
Zahl vo de Fahrzüüg
Lokomotive	5
Driibwäge	17
Omnibus	46
Sustigi Fahrzüüg	134
Statistik
Fahrgest	1,43 Mio. pro Jahr
Fahrleistig	19,8 Mio. km pro Jahr
Sustigi Bedriibsiirichtige
Sustigi Bedriibsiirichtige	51 Dienstgebäude

D Chemins de fer du Jura, abgchürzt CJ, deutsch Jurabahne, sind en Isebahngsellschaft im Jura iner Schwiz. Si betribe es meterspurigs Schinenetz vo 74,3 km Längi, en Normalspurstrecki vo 10,9 km und mehreri Buslinie. D CJ isch 1944 us der Fusion vo der CTN, RPB, RSG und SC entstande.

Ge 2/2 Nr. 5 vo der CTN in Tramelan.

Gschicht

Vorgängerbahne

Zug vo der SC um 1940 in Saignelégier

D ältest Strecki vo der Chemins de fer du Jura isch 1884 vo der meterspurig Tavannes–Tramelan-Bahn (TT) eröffnet worde und füehrt vo Tavannes uf Tramelan. D Strecki isch 1913 elektrifiziert worde.

Sit 1892 verbind d meterspurig Saignelégier–La Chaux-de-Fonds-Bahn (SC) Saignelégier über Le Noirmont mit La Chaux-de-Fonds, wobi d Bahn zerst am Stadtrand vo La Chaux-de-Fonds endet und erscht sit 1893 bis zum jetzige Bahnhof iner Stadt fahrt.

D Régional Porrentruy–Bonfol (RPB) eröffnete 1901 sini Normalspurstrecki vo Porrentruy uf Bonfol. Die Strecki isch bis hüt isoliert vo de andre Strecke vo de Jurabahne. 1906 beschlisst d Schwiz und ds Dütschi Rich, en Bahnverbindig vo Bonfol über Pfetterhausen uf Dammerkirch im Elsass z baue. D RPB baut ds churzi Teilstuck bis zur Grenze und nimmt am 1. November 1910 in Betrib.

1904 isch d normalspurig Régional Saignelégier–Glovelier (RSG) zwische Saignelégier und Glovelier eröffnet worde. 1906 geit d RSG en Betribsgmeinschaft mit der RPB ii.

Als letschti Bahnlinie isch 1913 d meterspurig Tramelan-Breuleux-Noirmont-Bahn (TBN) vo Tramelan über Les Breuleux uf Le Noirmont eröffnet worde. Die het ds Tramelan Aschluss an d TT uf Tavannes, sowie ds Le Noirmont an d SC uf La Chaux-de-Fonds und Saignelégier. Sit 1913 isch au d Strecki vo der TT elektrifiziert, und es isch durch en Betribsgmeinschaft en übergrifende Isebahn ermöglicht. 1927 fusioniere d TT und TBN schliesslich zur Chemin de fer Tavannes–Noirmont (CTN).

Übersicht über d Entstehig vo de Chemins de fer du Jura

E: Eröffnig, Ü: Übernahm

Tavannes–Tramelan-Bahn (TT) E: 16.08.1884, Ü: 01.01.19270

Tramelan-Breuleux-Noirmont-Bahn (TBN) E: 16.12.1913, Ü: 01.01.19270

Saignelégier–La Chaux-de-Fonds-Bahn (SC) E: 07.12.1892, Ü: 01.01.19440

Régional Porrentruy–Bonfol (RPB) E: 14.07.1901, Ü: 01.01.19440

Régional Saignelégier–Glovelier (RSG) E: 21.05.1904, Ü: 01.01.19440

Chemin de fer Tavannes–Noirmont (CTN) Ü: 01.01.1944

Chemins de fer du Jura (CJ)

Chemins du fer du Jura

Pendelzug usem Jahr 1953, wo durch d CJ modernisiert worde isch

Kehrichttransportwage

Drei moderni GTW-Züg ABe 2/6 bereit zur Abfahrt

Um en Modernisierig vo de veraltete Bahnalage z ermögliche, fusioniere alli vier im damalige Bärner Jura glägene Bahne uf de 1. Januar 1944 zu de Chemins du fer du Jura (CJ).

Der schlächti Zuestand vo de Gleis vo der Normalspurstrecki vo der ehemalig RSG füehrt 1948 zur vorübergehend Istellig vom Personevercher. Durch de Bahnersatzvercher entsteit der Busbetrib vo der CJ. D Gleis wärde dadruf ned eifach nur erneuert, sondern d gsamt Strecki uf d Meterspurwiti umgspurt, sodass sich mit de Strecke vo der ehemalig SC und CTN sit 1953 es grosses zemmehängends Meterspur-Schienenetz bildet. Sit em 4. Oktober 1953 wird ds Meterspurnetz mit 1500 V Glichstrom und neuem Rollmaterial betribe.

Am 17. Mai 1952 wird der elektrisch Betrib mit 15 kV 16 ⅔ Hz Wächselstrom uf der Normalspurstrecki Porrentruy–Bonfol ufgnoh. Der Fahrzügpark het us Chlilokomotive Ce 2/2 und drei bruchte Personewage bstande, wo vo de SBB übernoh worde sind. Der Guetervercher vo Bonfol uf Pfetterhouse isch jetz mitme Dieseltraktor statt mit Dampflok's abgwickelt worde, der Personevercher isch bereits am 31. Dezember 1946 igstellt worde. Am 4. Januar 1970 folgt ds Endi vom grenzüberschritende Guetervercher.

D CJ füehrt d Modernisierig witer. 1968 sind für d Strecki Porrentruy–Bonfol en Tribwage BDe 4/4 101 und en Stürwage Bt 121 beschafft worde. Sit 1986 chäme ufem Schmalspurnetz Pendelzüg mit Tribwage vom Typ BDe 4/4 II zum Isatz, wo en Geschwindigkeit vo 90 km/h erlaube. 2001 het Stadler Rail vier Niderfluer-Glenktribwage ABe 2/6 glifert und 2016 sind füf Niderfluertribwage Be 4/4 abglifert worde..

D CJ sind nach wie vor im Guetertransport tätig. Ufem Schmalspurnetz wärde Normalspurwage uf Rollschemeln befördert. Sit 2000 wird Kehricht in d Verbrennigsalag La Chaux-de-Fonds transportiert. Die Transport vo Tavannes und Glovelier uf La Chaux-de-Fonds mache en grosse Teil vom Guetervercher us. D Sanierung vo der Chemiemülldeponie Bonfol bringt vermehrt Guetervercher uf d Normalspurstrecki.

Sit 1993 verchere wider Dampfzüg ufem Schmalspurnetz vo der CJ. La Traction bietet in Zämmesrbeiz mit der CJ vo Mai bis September öffentlichi Dampffahrte a.

Hütigs Streckenetz

Chemins de fer du Jura (CJ)
Legende Normalspur: Pfetterhouse Staatsgrenze Frankreich–Schweiz Bonfol Porrentruy Schmalspur: Glovelier Combe-Tabeillon Saignelégier Tavannes Tramelan Le Noirmont La Chaux-de-Fonds Ohne Zwischenstationen und ohne Anschlussbahnen.

Bahnlinie

Ds hütig Schienenetz besteit user Hauptstrecki Glovelier–La Chaux-de-Fonds, vo der ds Le Noirmont Strecki Le Noirmont–Tavannes abzweigt, sowie vo der unabhängig Normalspurstrecki Porrentruy–Bonfol. Bi der Haltestell Combe-Tabeillon, churz nach Glovelier, bfangt d Überwindig vo de rund 500 m Höhedifferenz uf ds Jura-Plateau mitre Spitzcheri, wo vom Lokfüehrer en Weichentellig vo Hand sowie der Wächhsel vom Füehrerstand erfordert.

• 
  Endbahnhof Glovelier
• 
  Bahnhof vo Saignelégier
• 
  Kehrichtzug ufem Wäg uf La Chaux-de-Fonds
• 
  Historische Pendelzug in Le Noirmont
• 
  Triebwagen BDe 4/4 101 in Bonfol
• 
  Normalspurige Schotterwage in Bonfol

Buslinie

Liniebus vo der CJ in Saignelégier

Der Busbetrieb vo der CJ umfasst folgendi Linie:

• Fahrplanfeld 22.121: St-Imier–Savagnières–Chasseral
• Fahrplanfeld 22.123: St-Imier gare–St-Imier hôpital
• Fahrplanfeld 22.131: Tramelan–St-Imier
• Fahrplanfeld 22.133: Saignelégier–Tramelan–Glovelier–Bassecourt
• Fahrplanfeld 22.134: Boécourt–Glovelier–Le Chésal–Saignelégier

D Garage vom Automobilbetrieb befindt sich ds Tramelan. Zuesätzlich zum Linievercher füehrt d CJ Reisebusfahrte und Lastwagetransport durch.

Rollmaterial

Normalspur

→ Abschnitt Rollmaterial im Wikipedia-Artikel Bahnstrecke Porrentruy–Bonfol

• 
  NPZ RBDe 560 vo der CJ, hie vermietet an d Travys
• 
  CJ BDe 222 und 221 ex BLS in Tavannes

Schmalspur

• 
  BDe 4/4 613 vo der CJ mitme Pendel im Bahnhof Le Noirmont
• 
  Niderfluertribwage Be 4/4 651
• 
  Be 4/4 615, ex FW übernoh für d Kehrichtzüg
• 
  ABt 715 mit ere GTW-Front, umbaut usem B 756 in Combe-Tabeillon

Baureihe		Härsteller	Baujahr	Härkunft	Stuckzahl		Usrangiert	Bemerkige
Serie	Nummere				total	hüt
Lokomotive
Gem 4/4	401	SIG/SAAS/CJ	1952/2010		(Um)02	1		ex De 4/4I 401
	402						2010	ex De 4/4I 402; an MIB verkauft
Tribwage/Tribzüg
De 4/4I	401–402	SIG/SAAS	1952		3	0	2010	Umbau zu Gem 4/4
	403		1953				1986	Umbau zu De 4/4II 411
De 4/4II	411	FFA/SIG/BBC	1953/1986		(Um)01	1		ex De 4/4I 403
BDe 4/4I	601–608	SIG/SAAS	1953		8
BDe 4/4II	611–614	FFA/SIG/BBC	1985		4
Be 4/4	615–617	FFA/BBC	1984–1985	FWB (2013)	(Üb)004	3		ex FWB Be 4/4 11–13
	—			FWB (2014)			2015	ex FWB Be 4/4 15; nie eingesetzt, abgebrochen
BDe 4/4	621	CJ/SWS/SIG/SAAS	1947/1991	FW (1991)	(Üb/Um)01	0	2017	Umbau aus BTI BDe 4/4 5 > FW BDe 4/4 207
ABe 2/6	631–634	STAG	2001		4	4		GTW
ABe 4/4	641–642	SWS/SAAS/BBC	1973	RhB (2000)	(Üb)002	2		ex RhB-ChA ABe 4/4 487–488
Be 4/4	651–655	STAG	2016		5	5
Stürwage
Bt	701–706		1953		6
ABt	711–714	FFA/BBC	1985		4	5
	715	FFA/BBC/CJ	1986/2009		(Um)01			ex B 756
BDt	721–722	FFA/BBC	1986		2	2
Personewage
B	751–755	FFA	1986		6	5
	756						2009	Umbau zu ABt 715
Üb = Übernahm us fremdem Bestand (Gebruchtfahrzüg); Um = Umbau us eignem Bestand

Für d zahlreiche Kehrichttansportzüg setzt d CJ starch auf ehemaligi Personetribwage, wo genaugnoh wie Gepäcktribwage gnüzt wärde, allerdings ohni Ändric vo der Bauartbezeichnih. Wo der Gepäcktribwage 403 in de Gepäcktribwage 411 umgbaut worde isch, sind 1986 unzähligi ersetzti Bauteili zrug blibe, drunder au Drähgstell und d gsamt Elektrik. Im Wesentliche steit nur der fählend Wagechast ere Witerverwendig im Wäg; di het me in Form de in zwei Exemplar für d Biel-Täuffelen-Ins-Bahn (BTI) baute BDe 4/4 vo 1947 gfunde. D BTI het Tribwage 5 im Jahr 1977 an d Frauenfeld-Wil-Bahn (FW) verchauft, woner als Tribwage 7 (später 207) zum Isatz isch cho. Nachdem d FW au kei Bedarf für ds Fahrzüg meh het gha, holt ne d BTI als Ersatzteilspender zrug, het für de Wagechaste an sich allerdings kei Verwendug und überlaht ne der CJ. Die baut iner eigend Werchstatt us de vorhandene Teili schliesslich 1991 «ihre» Tribwage 621 zemme.

Nachdem d Rhätische Bahn (RhB) nach der Spannigsumstellig vo der ehemalig Chur-Arosa-Bahn (ChA) im Jahr 1997 kei Verwendug für d bisherige Glichstromtribwage meh het gha, chan d CJ 1999 zwei ABe 4/4 erwärbe, und nach diverse Apassige und chlinere Umbaute im Jahr 2000 Tribwage 641, und im Jahr 2001 Tribwage 642 in Betrib näh.

Nachdem d Frauefeld-Wil-Bahn, inzwische als FWB abgchürzt, 2013 de Rollmaterialpark mit füf neue Tribwage modernisiert het, sind im gliche Jahr d füf Be 4/4 abgestellt und verchauft worde. D CJ sichert sich drei Tribwagen 11 bis 13, wo no bis Endi 2013 iner CJ-Wärchstatt itroffe sind, und als Tribwagen 615 bis 617 für de CJ-Betrib härgrichtet worde sind. Im erschte Quartal 2014 isch der Tribwage 15 übernoh worde, wo allerdings nie zum Isatz cho isch und im erschte Halbjahr 2015 verschrottet worde isch.

Historischer Fahrzeugpark

• Belle Epoque-Zug, wo usem Motorwage BCe 2/4 70 und de Personewage C 7 zämegsetzt isch; beidi usem Jahr 1913
• Locomotive historique-Zug, wo us der Lok Ge 2/2 4 usem Jahr 1913 und em Personewage B 763 usem Jahr 1930 zämegsetzt isch
• Train des Horlogers-Zug, wo usem Tribwage CFe 4/4 601 und em Stürwage Ct4 702 zämegsetzt isch; beidi usem Jahr 1953; si ghööred de La Traction

Lueg au

Über d Gschicht, de Betriib und d Streckefüerig vo de drei Linie, wo d CJ druff faart, staat i dène Wikipedia-Artikel mee:

• Bahnstrecke Porrentruy–Bonfol
• Régional Saignelégier–Glovelier
• Saignelégier–La Chaux-de-Fonds-Bahn
• Chemin de fer Tavannes–Noirmont

Quelle

• Peter Willen: Lokomotiven der Schweiz, Normalspur Triebfahrzeuge. Orell Füssli Verlag, Zürich 1972. 
• Peter Willen: Lokomotiven der Schweiz, Schmalspur Triebfahrzeuge. Orell Füssli Verlag, Zürich 1972. 
• Chemins de fer du Jura. Geschichte. Abgruefen am 30. November 2015. 
• Theo Stolz: CJ Chemins de fer du Jura. Abgruefen am 30. November 2015. 

Links

 Commons: Chemins de fer du Jura – Sammlig vo Multimediadateie

• Website der Chemins de fer du Jura (CJ) (deutsch)
• Website der Chemins de fer du Jura (CJ) (französisch)