Christian Friedrich Laué
De Christian Friedrich Laué (* 1740 oder 1741 z Lippehne, Pommere, Preusse; † 1813 z Wildegg), reformiert, isch e zeerscht dütsche und spöter Schwiizer Textilfachmaa gsii.
Lääbe
ändereDe Christian Friedrich Laué esch 1740 oder 1741 z Lippehne i Mittelpommere (hött Lipiany z Pole) uf d Wält choo. 1774 het er z Frankfurt am Main met em Johann Jakob Hollweg s Komissionsgschäft «Hollweg und Laué» för Indiennedrock gröndet. 1781 isch er z Yverdon-les-Bains iibörgeret worde. Im gliiche Johr het er en Indiennedruckerei in Wildegg ide Schwiiz kauft. Die esch wäge ihm schnäll sehr erfolgriich worde.
De Gschäftsnochlass vo Laué und Co. esch es Zügniss för t Früehinduschtrialisierig im Aargau. Osserdem esch es s ältischste Firmearchiv im Staatsarchiv Aargau. Es omfasst Gschäftskorrespondänz met Teilhaber, Rezäptbüecher för sini Indiennedruckerei ond Wareverzeichniss.
De Christian Laué esch met verschednige bekannte Politiker i Kontakt gstande, ohni sälber ide Politik bsonders aktiv gsii zsii. Er esch au en Gönner vom Johann Heinrich Pestalozzi gsii, wo dää uf dem «Neuhof» z Birr gwörkt het.
De Laué esch 1813 gstorbe. Sis Gschäft esch denn vo sim Sohn, em Johann Laué, ond sim Schwegersohn, em Adolf Laué, öbernoh worde.
Quelle
ändere- Heidi Neuenschwander: Christian Friedrich Laué. In: Historisches Lexikon vo dr Schwiiz.
- Heidi Neuenschwander: Laué. In: Historisches Lexikon vo dr Schwiiz.
- Inventur und Bilanz der Firma Hollweg & Laué, 1780