Hauptmenü ufmache
Dialäkt: Baseldütsch

Dr Christoph Brutschin (* 21. Februar 1958) isch e Basler Politiker (SP). Er isch sit 2009 Mitgliid vom Regierigsroot vom Kanton Basel-Stadt. Dört isch er Vorsteher vom Departemänt für Wirtschaft, Sozials und Umwält (WSU).

Dr Christoph Brutschin isch e Wirtschaftswüsseschaftler. Bevor er Regierigsroot worden isch, het er als Leerer bzw. Räkter an dr Handelsschuel KV Basel gschafft.

Dr Brutschin isch 1992 in dr Grooss Root vo Basel-Stadt gweelt worde. Vo 2001 aa isch er dört au dr Vizebresidänt vo sinere Frakzioon gsi. Vo 2000 bis 2009 isch im Bankroot vo dr Basler Kantonalbank gsässe. Vo 2004 bis 2009 isch er Mitgliid vo dr Gschäftsläitig vo dr kantonale SP gsi. Im Joor 2008 isch dr Brutschin zämme mit em Hans-Peter Wessels as Noochfolger vo de Parteigenosse Barbara Schneider und Ralph Lewin in Regierigsroot gweelt worde.

Dr Brutschin isch verhürootet und het e Dochder.

WeblinggBearbeite