Hans-Peter Wessels
| Dialäkt: Baseldütsch |
Dr Hans-Peter Wessels (* 30. Septämber 1962 z Sanggalle) isch e Schwizer SP-Politiker. Er isch sit em 1. Februar 2009 Regierigsroot vom Kanton Basel-Stadt und Vorsteher vom Bau- und Vercheersdepartemänt.
Lääbe
ändereDr Wessel isch mit dr südafrikanische Staatsbürgerschaft uf d Wält choo und isch 1974 Schwizer Bürger worde. Er isch z Montreal und z Sanggalle ufgwaggse. 1981 isch er Mitgliid vo dr SP worde. Vo 1982 bis 1986 het er an dr ETH Züri studiert und vo 1986 bis 1990 am Biozentrum vo dr Universidäät Basel e Dissertazioon in Biochemii gschriibe. Denn het er bis 1998 as wüsseschaftlige Mitarbäiter und Projektläiter in verschiidene Aastellige gschafft. Vo 1998 bis 2000 isch er Diräkter ad interim vom Nazionale Hochläistigsrächezentrum z Manno gsi. Vo 2000 bis 2005 isch er Gschäftsfüerer vom Farmazentrum Basel-Züri an dr Universidäät Basel gsi, denn vo 2006 aa Gschäftsfüerer vo BaselArea, vo dr Wirtschaftsförderig vo de Kantöön Basel-Stadt und Basel-Landschaft. Dr Hans-Peter Wessels isch am 14. Septämber 2008 im erste Waalgang in Regierigsroot gweelt worde.
Dr Wessels läbt sit 1986 z Basel. Er isch sit 1993 verhürootet und het zwäi Chinder.
Weblingg
ändere
|
Dä Artikel basiert uff ere fräie Übersetzig vum Artikel „Hans-Peter_Wessels“ vu de dütsche Wikipedia. E Liste vu de Autore un Versione isch do z finde. |