Hauptmenü ufmache
Dialäkt: Baseldütsch

Dr Hanspeter Gass (* 12. August 1955 z Basel) isch e Schwizer FDP-Politiker und sit em 1. April 2006 Regierigsroot vom Kanton Basel-Stadt. Er isch Vorsteher vom Sicherhäitsdepartemänt.

KarriereBearbeite

Dr Gass het e Leer as Spedizionskaufmaa gmacht und denn in ere internazionale Dransportfirma gschafft. Vo 1980 bis zu sim Amtsaadritt as Regierigsroot 2006 isch er dr stellverdrätendi Verwaltigsdiräkter vom Theater Basel gsi. Vo 1986 aa isch er au no Gschäftsfüerer vo dr Vorsorg-Stifdig vo dr Theatergnosseschaft Basel gsi. Er het sich in deene Joor no witerbildet, 1982 het er s Hööchere Wirtschaftsdiplom überchoo, 1990 dr Äidgenössisch Fachuswiis as Verwaltigsfachmaa für Personalvorsorg, 1992 dr Äidgenössisch Fachuswiis as Sozialversicherigsfachmaa und 1994 s Äidgenössische Diplom as Sozialversicherigsexpärte.

Dr Regierigsroot Jörg Schild isch 2006 zruggdräte und bi de Ergänzigswaale het sich d FDP-Kandidatin Saskia Frei zruggzooge, wo si im ersten Waalgang vom 12. Februar nid s absolute Meer überchoo get. Dr Gass isch denn erst aadräte.[1] Er isch am 19. Merz 2006 mit knapp 63 Brozänt vo de Stimme gweelt worde. Bi de Gsamternöijerigswaale vom 14. Septämber 2008 isch dr Gass under em absolute Meer bliibe. Wil sich aber denn alli Geegekandidate zruggzooge häi, isch er in stiller Waal wiidergweelt worde.

WeblinggBearbeite

FuessnooteBearbeite

  1. Schild-Nachfolge: Schmerzliche Abfuhr für Saskia Frei., OnlineReports, 12. Februar 2006. Abgrüeft am 30. April 2011.


  Dä Artikel basiert uff ere fräie Übersetzig vum Artikel „Hanspeter_Gass“ vu de dütsche Wikipedia.

E Liste vu de Autore un Versione isch do z finde.