Corinna Werwigk-Hertneck
D Corinna Werwigk-Hertneck (* 23. Novämber 1952 z Stuegert; † 5. Septämber 2023 au deert[1]) sich e dytschi Bolitikeri (FDP) gsii. Si isch vu 2002 bis 2004 Juschtizminischteri un Uusländerbeufdraiti z Baade-Wiirtebäärg gsii.
Uusbildig un Beruef ändere
Vu 1972 bis 1977 het si Räächtswisseschafte z Kiel un Dibenga studiert. No dr Referendaarzyt z Stuegert het si syter 1981 as Räächtsaawälti gschafft. Si isch Fachaawälti fir Familie- un Eerbräächt un Paartneri in ere Aawaltskanzlei mit Sitz z Stuegert gsii.
Si isch in verschiidene Beruefsorganisaziooneaktiiv Mitglid gsii, z. B. im Voorstand vu dr Räächtsaawaltschammere Stuegert, im Dytsche Aawaltverain (DAV) un in dr Dytsche Verainigung fir Eerbräächt un Vermeegesnoofolg (DVEV).
Bolitik ändere
D Corinna Werwigk-Hertneck isch syt 1984 Mitgliid vu dr FDP gsii. Anne 1996 isch si d Kandidaati vu ire Bartei fir s Amt vu dr Ooberbuurgermaischteri vu dr Landeshauptstadt Stuegert gsii. Im Joor 1997 isch si in Landesvoorstand vu dr baade-wiirtebäärgische FDP gweelt woore. Zwai Joor speeter, anne 1999, isch si fir d FDP in Gmairoot vu Stuegert yyzooge un isch deert au stellverdrättendi Frakzioonsvoorsitzeri woore.
Minischteramt ändere
Dr Minischterbresidänt Erwin Teufel het si anne 2002 as Juschtizminischteri in s Kabinett vu Baade-Wiiretbäärg gruefe. Derzue het si au s Amt vu dr Integrazioonsbeufdraite vu dr Landesregierig ibernuu. Ab Juli 2004 isch si stellverdrättendi Landesvoorsitzeri vu dr baade-wiirtebäärgische FDP gsii. Am 22. Juli 2004 isch si vu ire Regierigsämter zruggdrätte, wu d Staatsaawaltschaft gege si het aafange ermittle. Ire isch voorgwoorfe woore, si heeb im Summer 2004 in verschiidene Delifonaat em Wiirtschaftsminischter Walter Döring Detail us dr Ermittlige geege iin verzelt.[2] Am 27. Septämber 2007 het s Landgriicht Stuegert sii zuen ere Freihaitsstoof vu aim Joor wäge Verroot vu Dienschtghaimnis veruurdailt, d Stroof isch zur Bewärig uusgsetzt woore.[3]
Eerenamtlig Engaschmänt ändere
Si isch syt 2003 Mitgliid vu dr Verainigung vu liberaale Jurischte z Baade-Wiirtebäärg gsii. Vu 2003 bis 2013 isch si Voorsitzeri un bis 2019 no Sachverständigi vum FDP-Bundesfachuusschuss Inne un Räächt gsii. D Corinna Werwigk-Hertneck isch syt 2004 Mitgliid bi Terre des Femmes gsii un syt 2007 Beglaitkrais-Mitgliid vu YASEMIN z Stuegert, ere Berootigsstell fir jungi Migrantene.
Privaatlääbe ändere
D Corinna Werwigk-Hertneck isch evangeelisch gsii, ghyroote un het zwee Siin ghaa un au Änkelchinder.
Weblink ändere
- Corinna Werwigk-Hertneck im Munzinger-Archiv (Artikelaafang frei abruefbar)
- Corinna Werwigk-Hertneck (Memento vom 24. Augschte 2021 im Internet Archive) uf anwalt-stuttgart.de
Fueßnote ändere
- ↑ Freie Demokraten in Baden-Württemberg trauern um Corinna Werwigk-Hertneck. Pressemitteilung. FDP-Landesverband Baden-Württemberg, 6. September 2023, abgruefen am 6. September 2023.
- ↑ Udo Leuschner: Die Geschichte der FDP Metamorphosen einer Partei zwischen rechts, sozialliberal und neokonservativ. Monsenstein und Vannerdat 2005, ISBN 978-3-8658-2166-9, S. 395.
- ↑ Bewährung für Ex-Ministerin Werwigk-Hertneck SZ, 11. Mai 2010.
Vorlage:Navigationsleiste Justizminister von Baden-Württemberg