S Emirat Dubai
Koordinate: 25° 12′ N, 55° 18′ O
| دبي Dubai
| ||
|---|---|---|
 D Laag vom Emirat Dubai in de Veräinigte Arabische Emirat | ||
| Symbole | ||
| ||
| Basisdate | ||
| Staat | Vereinigte Arabische Emirate | |
| Hauptstadt | Dubai | |
| Flechi | 3885 km² | |
| Iiwooner | 2.213.845 (Ändi 2013[1]) | |
| Dichte | 570 Einwohner pro km² | |
| Politik | ||
| Emir | Muhammad bin Raschid Al Maktum | |
Dubai (arabisch دبي Dubayy, IPA: dʊˈbæj) isch äins vo de siibe Emirat vo de Veräinigte Arabische Emirat (VAE) am Persische Golf.
S Emirat Dubai lit uf dr Arabische Halbinsle am Persische Golf und het e Flechi vo 3.885 km² und 2,2 Millione Iiwooner. Es isch vor Abu Dhabi s Emirat vo dr VAE mit dr grösste Bevölkerig. Dr Herrscher vo Dubai, Scheich Muhammad bin Raschid Al Maktum, isch Vizebresidänt und Brömieeminister vo de VAE (s Staatsoberhaupt isch dr Emir vo Abu Dhabi). S dominierende Zentrum vom Emirat isch d Stadt Dubai. S Emirat goot vo dört ins Landesinnere zwüsche Abu Dhabi im Südweste und Schardscha (in de Emirat mäistens Sharjah gschriibe) im Nordoste. D Exklave Hatta lit im Hadschar-Gebirg an dr Gränze zu Oman. Dr grösst Däil vom Emirat bestoot us Wüesti.
D Hauptstadt vom Emirat Dubai isch d Stadt Dubai, wo mänggisch zum sä vom Emirat z underschäide as Dubai-Stadt bezäichnet wird. Wil öbbe 85 Brozänt vo de Iiwooner vom Emirat in dr Hauptstadt lääbe,[2] spiilt sich dört fast s ganze wirtschaftlige, soziale, kulturelle und politische Lääbe vom Emirat ab.
Dubai isch vor allem für sini vile spektakulääre Baubrojekt wie Wulkechratzer, Iichaufszentrum, künstligi Insle und Vergnüegigspark bekannt.
S Erschiinigsbild vom Emirat underschäidet sich vom gröössere Emirat Abu Dhabi under anderem in däm, ass z Dubai de Stroosse und Autibaane nooch käni Dattelpalme und Strüücher aapflanzt worde si. Drfür si d Stroosse bräiter und d Geböide hööcher as in de andere Emirat.
Litratuur
ändere- Gérard Al-Fil: Leben und Arbeiten in Dubai, GD-Verlag 2009, ISBN 978-3-941045-09-5.
- Elisabeth Blum, Peter Neitzke (Hrsg.): Dubai. Stadt aus dem Nichts. Basel/Boston/Berlin 2009. 231 S. ISBN 978-3-7643-9952-8.
- Bettina Müller: Glitzermetropole Dubai. Diversifizierung und Imagegestaltung einer auf Erdöleinnahmen aufgebauten Wirtschaft. Tectum-Verlag, Marburg 2010. 238 S. ISBN 978-3-8288-2375-4.
- Michael Schindhelm: Dubaispeed. Eine Erfahrung. Münche 2009. 256 S. ISBN 978-3-423-24768-9.
- Heiko Schmid: Economy of Fascination: Dubai and Las Vegas as Themed Urban Landscapes, Borntraeger: Stuttgart 2009. XIII, 272 S. ISBN 978-3-443-37014-5 (Urbanisierung der Erde, 11).
- Hans Peter Schneider-Döll: Traumland Alptraum: im Namen Allahs, Books on Demand: Norderstedt 2002. 171 S. ISBN 3-8311-4017-0.
- John M. Smith: Dubai: the Maktoum Story, Books on Demand: Norderstedt 2006. 424 S. ISBN 3-8334-4660-9.
Fuessnoote
ändere- ↑ Dubai Statistics Centre Archivlink (Memento vom 2. Jänner 2015 im Internet Archive)
- ↑ Dubai Statistics Center: No. of Estmimated Population by Sector & Community - EMIRATE OF DUBAI End of Year 2010 (Site cha nüme abgrüeft wärde; Suche im Webarchiv)
Weblingg
ändere
Commons: Dubai – Sammlig vo Multimediadateie- Offizielli Website vom Government of Dubai
- Website mit em Blog vom Michael Schindhelm über aktuelli Entwicklige z Dubai
- GEO-Reportaasche über Dubai
|
Dä Artikel basiert uff ere fräie Übersetzig vum Artikel „Dubai_(Emirat)“ vu de dütsche Wikipedia. E Liste vu de Autore un Versione isch do z finde. |