Emil Frey
De Emil Frey (* 24. Oktober 1838 z Arlise; † 24. Dezember 1922 ebd.), vo Müncheschtei BL, isch en Schwiizer Politiker (FDP), Journalist, Offizier und Botschafter gsii.
1860 isch er in d USA zoge und het sich freiwillig zur Armee vo de Nordstaate gmäldet, wo dr Sezessionschrieg agfange het. Er isch noch dr Schlacht vo Gettysburg in Chriegsgfangeschaft gfalle und anderthalb Johr vo de Konfederierte festghalte worde. 1865 isch er in d Schwiiz zrugg und isch Politiker worde. Vo 1866 bis 1872 isch er Regierigsrot im Kanton Basel-Landschaft gsi.
1872 isch dr Frey in Nationalrot gwehlt worde, won er für zäh Johr s Baselbiet representiert het. Denn isch er Botschafter für d Schwiiz z Washington DC gsi. 1889 isch er wider Nationalrot worde. Am 11. Dezember 1890 isch er in Bundesrat gwählt worde. Während siinere Amtsziit isch er em Militärdepartement vorgschtande. Er het e grundlegendi Reform vo der Armee vorgschlage, das isch aber in dr Volksabstimmig abglehnt worde. Er isch Vizepräsident im Jahr 1893 worde und Bundespräsident s Jahr druf. Am 31. März 1897 isch er zruggträte.
Denn isch er bis 1921 Direktor vo der Internationale Telegraphe-Union (hüt die Internationali Fernmeldunion) gsi.
Er isch dr erschti und bisher einzigi Bundesrat vom Kanton Basel-Landschaft gsii.
Werch
ändere- Aus den Erlebnissen eines Schweizers im Sezessionskriege, Bern 1893.
- Die Kriegstaten der Schweizer, dem Volk erzählt, Neuchâtel 1905.
Literatur
ändere- Fritz Grieder: Emil Frey. In: Urs Altermatt (Hrsg.): Die Schweizer Bundesräte. Ein biographisches Lexikon. 2. Auflage. Artemis Verlag, Zürich/München 1991, ISBN 3-7608-0702-X, S. 248–253.
Weblinks
ändere- Fritz Grieder: Frey, Emil. In: Historisches Lexikon vo dr Schwiiz.
- Emil Frey i de Datebank Dodis vo de Diplomatische Dokument vo de Schwiiz
- Emil Frey – der Baselbieter Bundesrat (Site cha nüme abgrüeft wärde; Suche im Webarchiv) (PDF-Datei; 26 kB)
| Vorgänger Bernhard Hammer |
Mitgliid im Schwiizer Bundesrat 1891-1897 |
Nochfolger Ernst Brenner |
|
Dä Artikel basiert uff ere fräie Übersetzig vum Artikel „Emil_Frey“ vu de dütsche Wikipedia. E Liste vu de Autore un Versione isch do z finde. |