De Guy Parmelin (* 9. November 1959 z Bursins) isch en Schwizer Politiker (SVP). Am 9. Dezämber 2015 isch er vo dr Vereinigte Bundesversammlig zum Bundesrot gwählt worde.

dr Guy Parmelin (2024)

Lebe ändere

De Parmelin isch as Sohn vom ene Buur i sim Heimetort ufgwachse und isch z Lausanne uf d Mittelschuel. No de Schuel het er e Uusbildig zum Landwirt und Winzer gmacht.[1] Er isch dänn Wiipuur gsi und het mit sim jüngere Brueder zäme de Hof vo sim Vater gfüert. Er isch verhüroted und läbt mit sire Frau Caroline, ere Dütschlehreri, z Bursins.

Politik ändere

De Guy Parmelin isch vom Mai 1994 bis im November 2003 im Wadtländer Kantonsparlament gsässe. Bi de Parlamäntswahle im Oktober 2003 isch er in Nationalrot gwählt worde. Von 2000 bis 2004 isch de Parmelin Presidänt vo de SVP vom Kanton Waadt gsi. Im November 2015 hät ihn d SVP-Frakzion vo de Bundesversammlig als eine vo drü offizielle Kandidate für de Bundesrot nominiert. Am 9. Dezämber vom gliiche Johr isch er im dritte Wahlgang mit 138 Stimme als 116. Bundesrot vo de Schwiz gwählt worde.[2] Uf de 1. Jänner 2016 hät er sis Amt aaträte und s Departemänt für Verteidigung, Bevölkerigsschutz und Sport (VBS) vom Bundesrot Ueli Maurer übernoh, wo is Finanzdepartemänt (EFD) gwägslet hät.

Mit de Ernöierigswahle vom Bundesrot Endi 2018 häts e Rochade i de Departemäntsverteilig gee. Sit em 1. Jänner 2019 isch de Guy Parmelin Vorsteher vom Eidgenössische Departemänt för Wirtschaft, Bildig und Forschig (WBF), sim vorhärige Departemänt isch er as stellverträtende Leiter zuegordnet.[3]

Er isch im 2020 Vizepresidänt vom Bundesrot gsi und sit em 1. Jänner 2021 Bundespresidänt.

Weblink ändere

Fuessnote ändere

  1. So tickt Bundesrat Parmelin abseits des Polit-Parketts Artikel i de Schwizer Illustrierte vom 9. Dezember 2015
  2. Parmelin jubelt dank SP und CVP Artikel i de NZZ vom 10. Dezember 2015
  3. Rochade im Bundeshaus: So sieht die neue Departementsverteilung aus Artikel i de NZZ vom 10. Dezember 2018