Kurt Furgler

De Kurt Furgler (* 24. Juni 1924 z St. Galle, † 23. Juli 2008 au z St. Galle), vo Pfäfers (Valens), isch en Schwiizer Politiker (CVP) gsi.

Politik

1955 bis 1971 hät de Furgler em Nationalrat aaghört. Am 8. Dezember 1971 isch er in Bundesrat gwählt worde. Am 31. Dezember 1986 isch er zruggträte. Während siinere Amtsziit isch er de folgende Departement vorgschtande:

1972–1982: Eidgenössisches Justiz- und Polizeidepartement
1983–1986: Eidgenössisches Volkswirtschaftsdepartement

Er isch Bundespräsident gsii i de Jahre 1977, 1981 und 1985 und Vizepräsident i de Jahre 1976, 1980 und 1984.

Bekannt worde isch er insbesonderi dur d Lex Furgler, es Gsetz, wo de Immobilieerwerb dur Ussländer beschränkt.

Privats

De Kurt Furgler isch Gründer vom Handballclub TSV St. Otmar Handball z Sanggalle und döt au Spiller und Trainer gsi. 1950 hät er d Ursula Stauffenegger ghüroted. Si sind Eltere vo vier Maitle und zwee Buebe worde. Im 1971 isch de Kurt Furgler zum Oberstbrigadier befördered worde.^[1] Er isch Mitgliid im Club of Rome und Ehremitgliid vom Internationale Olympische Komitee gsi.

Literatur

Silvio Bucher: Furgler, Kurt. In: Historisches Lexikon vo dr Schwiiz.
Kurt Furgler im Munzinger-Archiv (Artikelaafang frei abruefbar)
José Ribeaud: Kurt Furgler à cœr ouvert. 1986, Éditions de l'Aire.

Weblink

Commons: Kurt Furgler – Sammlig vo Multimediadateie

Kurt Furgler i de Datebank Dodis vo de Diplomatische Dokument vo de Schwiiz
Eine Ausnahmeerscheinung in der schweizerischen Politik. Zum Tod von alt Bundesrat Kurt Furgler, Naaruef vom Urs Altermatt uf NZZ Online vom 24. Juli 2008
Furgler gegen Ruf Em Furgler sii legendäre Uusspruch uf e Aafrag vom Nationalrot Markus Ruf am 30. September 1985 (Video-Uusschnitt vo dr SF Tagesschau im SRF Archiv)