Ärnscht Laur

Dr Ärnscht Laur (* 27. März 1871 z Basel; † 30. Mai 1964 z Effingen) isch e Schwiizer Agronom gsi.

dr Ärnscht Laur

Er isch dr Soon vom Arnold Laur, em Basler Spitalverwalter, und vo dr Zélie Meyer gsi. Er het z Basel mit em Gymi agfange und isch denn aber anne 1886 uf Züri a die landwirtschaftlech Schuel uf em Strickhof ggange. Nach em Studium vo dr Agronomy am Poly isch er 1893 dr Verwalter vom Chlooschterguet Paradyys bi Schaffuuse worde. Sid 1894 isch er uf Brugg als Lehrer vo dr Landwirtschaftleche Schuel go schaffe.

Wo anne 1898 s Schwiizerische Puuresekretariat gründet worden isch, het me ne als däm sin Leiter agstelt, und er isch grad au dr Gschäftsfüerer vom Schwiizerische Puureverband gwäält worde. Er het als nazionale Puurefürer gulte.

1908 bis 1937 isch dr Laur Profässer für Landwirtschaft am Poly gsi. Do het er verlangt, ass me d Puurehöf nach modärne betriibleche Regle sell organisiere.

1948 bis 1950 isch er dr Presidänt vo dr Europäische Agrarunion worde, und er isch drfür gsi, ass d Schwiiz em Völkerpund biträtti.

1968 het men em postum dr Oberrhyynisch Kulturpryys zuegsproche.

Literatur

• Werner Baumann: Bauernstand und Bürgerblock: Ernst Laur und der Schweizerische Bauernverband 1897–1918. Orell Füssli, Zürich 1993, ISBN 3-280-02306-8.
• Werner Baumann: Laur, Ernst. In: Historisches Lexikon vo dr Schwiiz.