Rhyfääri Full-Waldshuèt

D Fääri Full–Waldshuèt isch è internationali Personèfääri uff èm Hochrhy un vokeert zwǜschè m Wyyler Jüppè im , Gmaind Full-Reuèthal (Schwyz) un Waldshuèt (Dütschland).

D Fäärvobindig exischtyrt sit èm 14. Johrhundert.^[1] S ygsetzte Faargaschtschiff, wo hützdaag übber dè Hochrhy pendlè duèt, wörd durch d Stadtwärch Waldshuèt-Düèngè bedribbè. S wörrèd au Rundfaartè uff èm aagschtautè Hochrhy bim Rhychraftwärch Albrugg-Dogèrè aabotè. Diè nägschti Fäärvobindig stròmobsi isch früèner zwǜschè Koblènz-Dorf un èm Fäärhuus i dè Waldshuèter Schmittenau übber dè Hochrhy pendlèt.

Ländènè

D Fäärländi z Full am linkè Ufer vum Hochrhy

D Ländi am rächtè Hochrhy-Ufer lyt am Fuèß vum Waldshuèter Altstadt-Felsè, uugfäär uff Höchi vom Obbèrè Tor z Waldshuèt. Zuègänglich isch d Ländi übber dè Uferwäg zwüschè dè Waldshuèter Stadtdeil Schmittènau un Liedermatte z erreichè. Ußerdèm git s èn Wäg übber d Rhyhaaldè, wo vo dè Rhyterrassè i dè Nôchi vum Obberè Tor bis a dè Uferwäg abbè gòt.

D Fääri WT-Full bim Waldshuèter Fäär-Aaleger vo hinnè mit WT-Schmittènau

I dè Schmittènau git s bim Waldshuèter Campingblatz, öppè gegèübber vu dè Aarè-Mündig, è witteri Ländi am rächtè Ufer. D Ländi am linkè Hochrhy-Ufer lyt bim Wyyler Jüppè im Fullerfäld. Am Rhy lyt d Fuller Ländi öppè 1,6 km unterhalb vo dè Aarèmündig in Hochrhy. Bi dèrrè Aaremündig git s obber- un unterhalb jewyyls è Ländi am linkè Hochrhy-Ufer, wo bi Bedarf bruucht wörrèd. Ußerdèm git s no è Bedarfs-Ländènè z Leibschtadt.

Bedryb

Èn komplèttè Achter-Umlauf vo dè Hochrhyfääri zwüschè Waldshuèt un Full

D Fääri vo Waldshuèt gu Full un retour vokeert im Früèling bis Hèrbscht öppè 7 Mönet bro Johr. S git aktuèll (Stand: Oktobèr 2023) 6 Faardääg bro Wuchè.

Èn Umlauf gòt bim Waldshuèter Aaleger los bis zuè dè Fuller Ländi, nõch èm churzè Halt gòt s zrugg uff Waldshuèt. D Fääri faart jewyls schräg gèg dè Strom aa, lòt sich im Strom driibè un drüllt churz vor èm gegèübberligèndè Ufer gèg dè Strom bis zuè dè Ländi. Dè glyche S-Bogè wörd in Gegèrichtig vollzogè. Dè gsamtè Umlauf beschriibt dèmnõch d Figur von èm Achter.

Luèg au

Weblinggs

Einzelnõchwyys

↑ Blatt AG 2005.1.1 (Memento vom 5. Augschte 2016 im Internet Archive) im Inventar vo dè historischè Vokeerswäg i dè Schwyz

47.619648.21534Koordinate: 47° 37′ 10,7″ N, 8° 12′ 55,2″ O; CH1903: 658391 / 274619

Dä Artikel basiert uff ere fräie Übersetzig vum Artikel „Fähre_Full-Waldshut“ vu de dütsche Wikipedia. E Liste vu de Autore un Versione isch do z finde.

[1] Blatt AG 2005.1.1 (Memento vom 5. Augschte 2016 im Internet Archive) im Inventar vo dè historischè Vokeerswäg i dè Schwyz

[1]