Full-Röilete

Full-Röilete (amtlich Full-Reuenthal) isch e Gmeind im Bezirk Zurzi vom Schwiizer Kanton Aargau.

Full-Röilete
Wappe vo Full-Röilete
Basisdate
Staat:	Schwiiz
Kanton:	Aargau (AG)
Bezirk:	Zurzachw
BFS-Nr.:	4307i1f3f4
Poschtleitzahl:	5324
Koordinate:	657526 / 27419547.615918.20377314
Höchi:	314 m ü. M.
Flächi:	4.82 km²
Iiwohner:	958 (31. Dezämber 2022)
Website:	www.full-reuenthal.ch
Charte
Charte vo Full-Röilete ww

Geografii

Full-Röilete isch die Gmeind vom Kanton Aargau, wo am wytischte im Norde liit. De Rhy macht dört nach der Ymündig vo der Aare en wyte Boge nach Norde bis under d Stadt Waldshuet und flüsst denn gäge Südweschte wyter.

I der Ebeni am Rhy liit s Dorf Full mit der Siidlig Jüppe. S dorf Röilete liit zwei Kilometer im Süde vo Full uf em Hügel us Chalchschtei zwüsche der Aare und Löibschtel, der Nochbergmeind vo Full-Röilete im Weschte.

Gschicht

Sid em 13. Joorhundert hend Full und Röilete zum Chilchschpiil ghört, zäme mit Lüggere, Böötschde und Löibschtel.

Der Oort Röilete isch ane 1258 s erschte Mol i der Form Reuwintal und Full ane 1303 oder 1308 als Wulne in historische Dokumänt erwäänt.

1803 isch s ehemolige Chilchschpiil im nöie Kanton Aargau als en einzigi Gmeind organisiert worde. Scho 1816 het der Grooss Root vom Aargau do drus die drü Gmeinde Böttschde, Lüggere und Oberlöibschtel gmacht. 1832 sind Full und Röilete vo Oberlöibschtel trennt worde, und 1902 isch Jüppe vo Lüggere wägggnoo und zu der Gmeind Full-Röilete too worde.

Im Zwöite Wältchrieg het d Schwiizer Armee ufem Felse bi Röilete en Feschtig bout. Dört isch jetz s Milidäärmuseum Full.

Literatur

• Sarah Brian Scherer, Dominik Sauerländer, Andreas Steigmeier: Das Kirchspiel Leuggern, Geschichte von Böttstein, Full-Reuenthal, Leibstadt und Leuggern. 2001.

Weblink

 Commons: Full-Röilete – Sammlig vo Multimediadateie

• Website dvo der Gmeind Full-Röilete
• Christoph Herzig: Full-Reuenthal In: Historisches Lexikon vo dr Schwiiz.