Tägerfäld

Tägerfäld, wo bi Usswärtige Tägerfälde heisst (amtlich Tegerfelden), isch en Iiwohnergmeind vom Kanton Aargau.

Tägerfäld
Wappe vo Tägerfäld
Basisdate
Staat:	Schwiiz
Kanton:	Aargau (AG)
Bezirk:	Zurzachw
BFS-Nr.:	4320i1f3f4
Poschtleitzahl:	5306
Koordinate:	663780 / 26832147.5625018.286112364
Höchi:	364 m ü. M.
Flächi:	7,11 km²
Iiwohner:	1282 (31. Dezämber 2022)
Website:	www.tegerfelden.ch
Charte
Charte vo Tägerfäld ww

Geografii

D Gmeind lyt im Zurzibiet und im Surbtal. Dr Gmeindsbann het e Flächi vo 711 Hektare, do dervo sind 263 Hektare Wald und 71 Hektare überbaut. Di höchschti Stell isch uf 532 Meter, di tüfschti uf 337 Meter.

Gschicht

S erscht Mol chunt Tegerfelt in ere Urkund us em Johr 851 vor. Am Ändi vom 11. Johrhundert hei d Freiherre vo Tägerfäld e chli oberhalb vom Dorf e Burg la baue. Si sind Grundbsitzer z Tägerfäld gsi, und wo des Gschlächt im 1254 im Mannesschtamm usgschtorbe isch, hei d Erbe de Bsitz übernoh. Im 1276 het s Chloschter St. Bläsi en Deil vom ehemoligi Bsitz vo der Tägerfälder übercho; au d Habsburger, wo Landesherre si gsi, hei Grundbsitz z Tägerfäld gha.

Wo d Eidgnosse im 1415 de Aargau eroberet hei, isch Tägerfäld zu eme Teil vom Siggeamt vo de Grafschaft Bade worde, ere gmeine Herrschaft. Im 1529 isch en Grossteil vo de Bevölkerig zu de Reformation überträte, und au nach de Niderlag vo de Reformierte bi de Schlacht bi Kappel hei Teili vo de Bevölkerig bim noie Glaube chönne bliibe.

Im März 1798 sin d Franzose in d Schwiiz iimarschiirt und hei di Helvetisch Republik usgruefe. Tägerfäld isch e Gmeind im noie Kanton Bade worde und ghört sit em 1803 zum Kanton Aargau.

Weblink

 Commons: Tägerfäld – Sammlig vo Multimediadateie

• Website vo de Gmeind Tägerfäld
• Bruno Meier: Tegerfelden. In: Historisches Lexikon vo dr Schwiiz.