Freies Radio Wiesental
De Sänder Freies Radio Wiesental (bis 31. Dezember 2012: Kanal Ratte) ghört wie viili anderi z'Dütschland zum Nichtkommerziellen Lokalfunk (NKL) un isch somit e Freies Radio.
Gschicht
ändereSit 1995 sändet Radio Kanal Ratte vo synem Studio z' Schopfe. Gründet worde isch de Sender un si Trägerverein vo nere Gruppe vo junge Lüt znächscht z'Lörrach. Me het sich denn aber bal em autonome Jugendzentrum Café Irrlicht z'Schopfe aagschlosse, wo in städtische Räum inere zentrale Lag in de Bahnhofstrooss logiert un em Sänder bis 2005 Räum zur Verfügig gstellt het. In syne Aafäng hets Radio als Radio-AG vo sällem Jugendzentrum firmiert - e Konschtruktion, wo beidi Syte devo profitiert hen. So het sich e Kooperation bi de Organisation vo Konzert entwickelt, wo s Café Irrlicht in syne Räume durchgfüert het un s Radio live übertrage het. Au hen Mitgliider vom Café Irrlicht eini vo de erschte Musikredaktione gstellt, wo übrigens bis hüt für ihri treui Hörerschaft sände duet.
D' Gründig vom Sänder fallt in di Zit, wo d' Landesregierig en eigene Etat zur Förderig vom Private Rundfunk bschließt, sowohl vom kommerzielle als au vom nit-kommerzielle. D' Landesmedienanstalt - in Bade-Württeberg d'Landesanstalt für Kommunikation (LfK) - vergit sit däm alli acht Johr Lizenze an privati Rundfunksänder; si het di Funktion vo nere Ufsichtsbehörde. Glychzitig berotet sie di Träger vo nit-kommerzielle Sänder bi de Aatragstellig für di (jährlichi) Vergob vo Fördergelder.
in de neue Räum
bi nere alemannische Produktion
1995 het de Sänder „Freies Radio Kanal Ratte“ di Sändelizenz für d' UKW-Frequenz 104,5 MHz uf de Sändealag Hochi Möhr (500 W) kriegt; glychzitig wird 's Programm ins Kabelnetz vo zäh Städt igspeist.
D Räumlichkeite für de Sänder in de Bahnhofstrooss, tatkräftig vo de Gründigsväter un -muetter uffbaut, hen uf 25qm e Sändestudio (mit enere bescheidene, aber usreichende Tächnik: Mischpult, mehreri CD-Spieler, MD- un Tape-Decks; d' Archivierig isch no uf VHS-Kassette gmacht worde) un e kleins Büro bote. Es het au mol e Raum zum Vorproduziere vo Sendige geh, säller het aber us Brandschutzgründ bal wiider ufgeh wärde miesse.
Im Johr 2003 het Radio Kanal Ratte erneut e Lizenz kriegt, säll Mol beschränkt uf vier Johr, verknüpft mit de Uflag, sin Bekanntheitsgrad uszbaue. Zuedem sin zuesätzlichi Mittel für eigeni Räumlichkeite bereitgschtellt worde, wu de Sänder im Friejohr 2005 in de Hauptstrooss z' Schopfe het beziehe könne. Im neue Domizil gits uf 80qm en Sändestudio, en Vorproduktions-Studio, e Büro un e Kaffi-Kuchi. De Studio-Betrieb isch professionalisiert un usbaut worde.
Sit Aafang 2007 het de Sänder au en zweites Studio wo me vorproduziere un au parallel sände cha. S'Schtudio 2 isch so flexibel gschtaltet, as me cha Podiumsdiskussione ame grosse Tisch mit vielene Mikrophon cha uffneh, abr au de Tisch abbaue un e Musikgruppe cha schpiele loh.
De Sänder mit sine Ursprüng in de linke Szene schafft sither dra, em Uftrag, als Bürgersänder in de Region besser verankert z'si, umzsetze. Trotzdem het me d' Herkunft nit vergässe: So schafft me zwar hüt uf eme technisch höchere Niveau, setzt aber bewusst zuer Sendeabwicklig un Archivierig, sowii uf de Arbetsschtatione freii Software (Linux) i. Softwareprogramm wärde zuedäm sälber entwickelt. Do übernimmt de Sänder e Vorriterrolle un duuscht sini Erfahrige mit andere freie Radios us.
Zum 1. Jänner 2013 isch de Name vom Sender in Freies Radio Wiesental gänderet wore.
Programm
ändereIn dr Zit vo 15 bis 3 Uhr gstalte verschiideni ehreamtlichi RedakteurInne 12 Stunde Programm. In de übrige Zit wird 's Nacht- un Wiiderholigsprogramm vo Radio Dreyeckland, eme andere freie Radio us Freiburg übertrage.
'S Programm isch bewusst frei un bunt ghalte. So finde sich verschiideni, zuem Teil konträri, Musikredaktione näbe Fachbeiträg zue freii Software wi Die Sendung mit der Computermaus, eme Frauemagazin oder de schwul-lesbische Rainbow-Stars.
Alemannische Sändige sin e Sälteheit, im Prinzip ka aber jeder bi däm freije Radio mitmache un dä Zuestand ändere.
Frequenze
ändere- UKW 104,5 MHz
- Kabel, Schopfe, Mulburg, Lörrach, Wiil, Schteine, Bad Säckingen, Wehr, Schwörstadt, Rhiifelde und Grenzach-Wyhlen: 89,35 MHz
- Livestream (l. Homepage)
Weblink
ändereGsprocheni Wikipedia
ändere
|
De Artikel gits au as Audiodatei. |
