Hauptmenü ufmache

Dr Fritz Widmer (* 5. Februar 1938 z Chiubärg; † 28. April 2010[1] z Bärn[2]) isch e Schwyzer Lehrer, Liedermacher un Schriftsteller. gsi.

Inhaltsverzeichnis

LäbeBearbeite

Dr Widmer isch uf eme Buurehof z Chiubärg ufgwagse. Uf d Schuel gange isch er z Chiubärg un z Burgdorf, derno het er Anglistik un Germanistik studiert. Ab 1965 het er as Sekundarlehrer z Fraubrunne, ab 1970 as Änglisch- un Dytschlehrer an dr Hechere Mittelschuel Marzili z Bärn.

Dernäbe isch er syt 1965 Liederibersetzer, Liedermacher un Schriftsteller gsi. Syy Lieder het er zerscht unter em Yyfluss vum Mani Matter verfasst, dailwyys au zämme mit em. Speter sin e Huffe aigeni Lieder entstande un Noogstaltige un Ibersetzige vu schwedischen Lieder, zem Byschpel vum Carl Michael Bellman. Ab 1965 isch er Mitglid vu dr Berner Troubadours gsi un het no 1970 in dr Hauptsach Soloprogramm gmacht, syt 1982 allmeh kombiniert mit Läsige us syyne Roman, Kolumne un Gedicht. Zämme mit em Jacob Stickelberger het er e Ufnahm gmacht vu dr letschte (nonig vereffetligte) Chanson vum Mani Matter un dr Kriminalgschicht, ere Art Kriminaloper, wun er mit em Stickelberger zämme gschribe het un wu si zwische 1973 un 1975 iber hundertmol ufgfiert hän.

Uf syyne neie Blatte het er nit solo gspilt, är isch zmaischt beglaitet wore vu syyne Dechtere Anna (Cello, Mandoline) un Karin (Violine, Gitarre, Bouzouki) un syym langjehrige Beglaitgitarrischt Michael Sam Graf, em Akkordeonspiler Otto Spirig un em Kontrabassischt Bänz Hadorn.

Syter anne 1982 het er Kolumne un Artikel fir verschideni Zytige gschribe. Är het näbe vier Roman au Rundfunkbyydreg verfasst, tem Byschpel vu 1994 bis 2000 s Wort zum neuen Tag fir Radio DRS. Mit syyre Frau Christina, ere Änkeldochter vum Hermann Hesse, het er als Vordreg ghalte iber ihre beriemte Großvatter, un er het anne 2006 e Buech uusegee mit Läbenserinnerige vu Carl Hermann Hesse, em baltische Großvatter vum Hermann Hesse.

WärchBearbeite

BibliografiiBearbeite

  • Ds fromme Ross. Berndeutsche Balladen und Chansons. Zytglogge, Gümligen 1974
  • Die wüeschte u di schöne Tröim. Bärndütschi Lieder und Gedicht. Zytglogge, Gümligen 1980, ISBN 3-7296-0113-X
  • Gluscht u Gnusch u Gwunger. Mundartroman. Zytglogge, Gümligen 1982, ISBN 3-7296-0145-8
  • Ryter unger em Ys. Mundartroman. Zytglogge, Gümligen 1988, ISBN 3-7296-0301-9
  • Änet em Zuun. Wort zum nöie Tag u Gedicht. Zytglogge, Gümligen 1997, ISBN 3-7296-0555-0
  • No einisch aafa. Wort zum nöie Tag. Zytglogge, Gümligen 2000, ISBN 3-7296-0606-9
  • Der Zier-Eremit. Roman. AutorInnenverlag, Bern 2001, ISBN 3-905110-19-9
  • Unverrückt. Berichte von Liedern, Menschen und Träumen. Simowa (Eigenverlag), Bern 2002, ISBN 3-908152-14-3
  • Hermann Hesses Großvater. Die Lebenserinnerungen von Hermann Hesses baltischen Großvater Dr. Carl Hermann Hesse (als Herausgeber). Insel (it 3216), Frankfurt am Main 2006, ISBN 3-458-34916-2
  • Ds Glück isch fasch gäng gratis. Roman. Books on Demand, Norderstedt 2007, ISBN 978-3-8334-6769-1
  • Wo geit das hi, wo me vergisst? Mundarttexte. Cosmos, Muri bei Bern 2009, ISBN 978-3-305-00435-5

DiskografiiBearbeite

Aigeständigi VereffetlichungeBearbeite

  • Abraham & Co., LP, Zytglogge (zyt 23), Gümligen 1973
  • S geit niene so schön u luschtig, LP, Zytglogge (zyt 29), Gümligen 1976
  • Mir hocke gärn am Schärme. Live-Aufnahme vom 4./5. Januar 1980 im Zähringer-Theater Bern. LP. Zytglogge (zyt 43), Gümligen 1980
  • Gloubsch wider a besseri Zyte. LP. Zytglogge (zyt 49), Gümligen 1985
  • Mängisch brönnt’s. Ballade, Lumpeliedli u Chinderlieder. LP. Zytglogge (zyt 50), Gümligen 1985 (CD: zyt 4050)
  • 24 Lieder us 25 Jahr. CD. Zytglogge (zyt 4065), Gümligen 1991
  • Wo der Himu no gnue Platz het. Grossvatterlieder, Übersetzige us em Schwedische u historischi Ufnahme. CD. Zytglogge (zyt 4871), Gümligen 2000
  • Wohär u Wohi?. Lieder vo 800 bis 2009. CD. Zytglogge (zyt 4315), Gümligen 2009

Mit em Jacob StickelbergerBearbeite

  • Kriminalgschicht. Aufnahme vom 26. Oktober 1973. LP. Zytglogge, Gümligen 1973 (CD: zyt 4057)
  • Dr Kolumbus. Mani Matter gesungen von Jacob Stickelberger und Fritz Widmer. LP. Zytglogge (zyt 35), Gümligen 1977 (CD: zyt 4035)

Mit dr Berner TroubadoursBearbeite

  • Berner Troubadours – Live. LP mit Chansons von allen sechs Troubadours. Zytglogge, Gümligen 1971 (CD: zyt 4016)
  • Das Konzert. 2 LPs (bzw. CDs) mit Live-Aufnahme ihres Jubiläumsprogramms vom 27. November 1985 im Stadttheater Bern. Zytglogge, Gümligen 1986 (CD: zyt 4052)
  • 30 Jahre – Altes, Älteres, Neueres und Neues. 2 CDs mit Live-Aufnahme vom 19. November 1995 aus dem Stadttheater Bern. Zytglogge (zyt 4076), Gümligen 1996
  • Gäng wie gäng – Programm 2000. 2 CDs, live aus der Capella in Bern. La Cappella LIVE DCD, Bern 2000
  • 40 Jahre Berner Troubadours. CD mit Liveaufnahmen aus dem Stadttheater Bern vom 13. Februar und 20. März 2005. Zytglogge (zyt 4095), Gümligen 2005

Vu Kollege arrangschiertBearbeite

  • Türeschletze – Fritz Widmer gwidmet. CD mit Widmers Liedern, gespielt von Schweizer Liedermachern. Zytglogge (zyt 4311), Gümligen 2008

WeblinkBearbeite

FueßnotteBearbeite

  1. Fritz Widmer mit 72 gestorben (Berner Zeitung, 28. April 2010)
  2. Widmer, Fritz, Websyte vum Cosmos-Verlag.
  Dä Artikel basiert uff ere fräie Übersetzig vu dere Version vum Artikel „Fritz_Widmer“ vu de dütsche Wikipedia.

E Liste vu de Autore un Versione isch do z finde.