Güzin Kar

Dialäkt: Undermarkgreflerisch

D Güzin Kar (* 28. Februar 1971 z İskenderun, Dirkei) isch e Schwyzer Filmreschiseeri, Draibuechautori un Kolumnischti.

d Güzin Kar (2016)

Lääbe

D Güzin Kar isch in dr Dirkei uf d Wält chuu un im Alter vu fimf Johr mit ire Eltere in d Schwyz zoge. Dert het d Familie im Aargauer Stedtli Laufeburg gwohnt. Noch em Studium vu dr Germanischtik un Filmwisseschaft het d Güzin Kar vu 1994 bis 1999 an dr Filmakademy Bade-Wirttebärg studiert.

Syterhär schafft si in dr Schwyz un z Dytschland as Draibuechautori un Reschiseeri. Iri filmische Wäärch hän vewrschideni nazionali un internazionali Uuszaichnige in dr Kategorie Reschy un Draibuech gwunne, unter anderem dr European Script Award fir d Färnsehserie „Seitentriebe“, wu unter em Name „Monogamish“ z Latynamerika, dr USA un z Kanada glofen isch. 2006 isch ire erscht Buech „Ich dich auch“ uusechuu, wu d Schwyzer Bestsellerlischt aagfiert het. 2008 isch ire zwait Buech „Leben in Hormonie“ uusechuu.

Anne 2020 het d Kar dr Churzfilm Deine Strasse gmacht, wu si s Draibuech gschribe he tun d Reschy gfriert het un d Sibylle Berg as Verzelleri mitgchscafft het. S Wärch isch dr Saime Genç (1988–1993) gwidmet, em jingschte Opfer vum Brandaaschlag in dr dytsche Stadt Solingen. Deine Strasse isch unter anderem in Churzfilmwettbewärb vu dr Berlinale 2021 yyglade wore, im nämlige Johr het d Kar fir dr Film dr Schwyzer Filmbryys as Beschte Churzfilm gwunne.

Näbe ire filmische Arbeite schrybt d Güzin Kar Kolumne un Gaschtbydreg fir Zytige un Zytschrifte, unter anderem „Die Triebtäterin“ in dr Züri-Zytig.

D Güzin Kar isch ghyrote un läbt z Züri.

Wäärch

Biecher

• Ich dich auch. Ein Episodenroman für Paarungsgestörte. Kein & Aber, Zürich 2006, ISBN 3-0369-5170-9; Diana, München 2008, ISBN 978-3-453-35267-4.
• Leben in Hormonie. Paarungskatastrophen für Fortgeschrittene. Kein & Aber, Zürich 2008, ISBN 978-3-0369-5526-1; Diana, München 2010, ISBN 978-3-453-35441-8.
• Hüsnü, hilf! Kein & Aber, Zürich 2014, ISBN 978-3-0369-5691-6
• Hemingways sexy Beine (Mit Simone Meier und Nadia Brügger), Kein & Aber, Zürich 2019, ISBN 978-3-0369-6017-3

Filmografy

• 2001: Lieber Brad (Draibuech)
• 2002: Mehr als nur Sex (Draibuech)
• 2003: Paul und Lila (Churzfilm, Draibuech un Reschy)
• 2006: Die Wilden Hühner (Draibuech)
• 2006: Alles bleibt anders (Draibuech un Reschy)
• 2007: Ein verlockendes Angebot (Draibuech)
• 2011: Fliegende Fische müssen ins Meer (Draibuech un Reschy)
• 2013: Achtung, fertig, WK! (Draibuech)
• 2017 un 2019: Seitentriebe (Färnsehserie, Draibuech un Reschy)
• 2021: Deine Strasse (Churzfilm, Draibuech un Reschy)

Uuszaichnige

• 2002: Draibuechbryys vu dr Schwyz. Autoregsellschaft SSA fir Fliegende Fische müssen ins Meer
• 2004: Draibuechbryys vu dr Schwyz. Autoregsellschaft SSA fir Alles bleibt anders
• 2011: Bryys vum Saarländische Minischterbresidänt bim Filmfeschtiwäl Max Ophüls Bryys fir Fliegende Fische müssen ins Meer
• 2012: Reschybryys am Silver Horse Feschtiwäl Gent fir Fliegende Fische müssen ins Meer
• 2018: European Script Award fir Seitentriebe
• 2021: Schwyzer Filmbryys fir Deine Strasse (Beschte Churzfilm)

Weblink

 Commons: Güzin Kar – Sammlig vo Multimediadateie

• Websyte vu dr Güzin Kar
• Publikatione vo und über Güzin Kar im Katalog Helveticat vo dr Schwiizerische Nationalbibliothek
• Literatur vu un iber Güzin Kar im Katalog vu dr Dütsche Nazionalbibliothek
• Güzin Kar in dr Internet Movie Database

Fueßnote

Dä Artikel basiert uff ere fräie Übersetzig vu dere Version vum Artikel „Güzin_Kar“ vu de dütsche Wikipedia. E Liste vu de Autore un Versione isch do z finde.