Heiderose Berroth

dytschi Bolitikeri

D Heiderose Berroth (* 2. Juni 1947 z Stuegert; † 13. Septämber 2022[1]) isch e dytschi Bolitikeri (FDP) gsii. Vu 1996 bis 2011 isch si Abgordneti vum Landdag vu Bade-Wirttebärg fir dr Wahlkrais Leabärg gsii. Vu 1999 bis 2019 het si em Kraisdag vum Landkrais Beblenga aaghert.[2]

d Heiderose Berroth, MdL (2009)

Uusbildig, Familie un Beruef ändere

D Heiderose Berroth isch uf d Volksschuel z Malmsheim gange un derno uf s Gimnasium z Weil der Stadt (1959–1962) un z Stuegert-Feierbach (1962–1965). Noch ere Lehr zur Induschtrychauffrau het si an dr Uniwersitete Stuegert un Würzburg Bedribswirtschaft studiert un anne 1973 mit em Diplom abgschlosse.

Syter anne 1975 het si as sälbschtständigi Unternämesberoteri gschafft, vor allem fir Autohyser un Tankstelle un fir Familienunternäme in andere Handwärchsberaich, derzue isch si syt 1985 au freiberueflig im Berotigsdienscht fir s Kfz-Gwärb z Bade-Wirttebärg aktiv gsii.

D Heiderose Berroth isch ghyrote gsii un Mueter vu zwee Buebe. Si isch evangelisch gsii.

Bolitik ändere

D Berroth het iri bolitisch Arbet uf kommunaler Ebeni aagfange. Si isch Grinderi vu dr iberbarteilige Wehlerinitiativ Frauen für Renningen (FfR) gsii un vu 1992 bis 2004 däre iri Vorsitzeri, syt 2004 isch si Ehrevorsitzeri gsii. Vu 1994 bis 2001 un wider vu 2014 bis 2017 isch si fir d FfR Mitglid im Gmairot vu Rennenga gsii.[3]

Anne 1999 isch d Berroth Grindigsvorsitzeri vum Landesverband vu dr Liberale Fraue Bade-Wirttebärg gsii, turnusgmäß het si där Poschte 2001 wytergee. Si isch bis 2006 Mitglid im Bundesvorstand vu dr Liberale Fraue un isch derno Verdrätteri vu dr Liberale Fraue im Landesfrauerot Bade-Wirttebärg blibe.

Vu April 1996 bis Merz 2011 isch d Heiderose Berroth Mitglid vu dr FDP/DVP-Frakzion im Landdag vu Bade-Wirttebärg un unter anderem Sprächeri vu dr Frakzion fir Finanz- un Huushaltsbolitik, Sport un Kultur gsii. In dr Enquete Fit fürs Leben in der Wissensgesellschaft – berufliche Schulen, Aus- und Weiterbildung us em Johr 2011 isch si as ständig Mitglid Obfrau vu dr Frakzion gsii. Si isch finanz-, sport- un kulturbolitischi Sprächeri vu ire Frakzion un as Abgorneti „Gotti“ vu dr Wahlkrais Charlsrue Stadt, Fraidestadt un Beblenga gsii. Bi dr Landdagswahl 2011 isch si nimi widergwehlt wore.

Im Zytruum vu 2005 bis 2009 isch d Heiderose Berroth Stellverdrättendi Frakzionsvorsitzeri un zuesätzli vu 2006 bis 2009 Barlemäntarischi Gschäftsfiereri vu ire Frakzion gsii. In dr 13. Legislaturperiod isch si Mitglid in dr Uusschiss fir Umwält un Verchehr un vum Untersuechiguusschuss zur Atomufsicht gsii. Si isch zueständig gsii fir Umwält un Verchehr, Kultur- un Frauebolitik. Vu 1996 bis 2001 (12. Legislaturperiod) het si s Amt vu dr bildigsbolitische Sprächeri vu dr Frakzion ghaa un isch stellverdrättend Mitglid in dr Demografy-Enquete un dr Juged-Enquete gsii. Um die Zyt het si si aktiv fir d Yyfierig vum Blatzverwys bi hysliger Gwalt yygsetzt un het si fir d Finanzierig vu Privatschuele engaschiert.

Vu 1999 bis 2019 isch d Heiderose Berroth Mitglid vum Kraisdag Beblengagsii un dert syter 2009 Vorsitzeri vu dr FDP-Frakzion. D Berroth isch anne 1992 Mitglid im Kraisvorstand vu dr FDP z Beblenga wore un isch vu 1998 bis 2002 Kraisvorsitzeri gsii. Vu 2001 bis 2006 het si as Bysitzeri em FDP-Landesvorstand aaghert.

Mitglidschafte un Ehrenämter ändere

  • Mitglid im Finanzuusschuss vum Landdag vu Bade-Wirttebärg
  • Mitglid im Uusschuss fir Schuel, Juged un Sport vum Landdag vu Bade-Wirttebärg
  • Stellverdrättend Mitglid im Uusschuss fir Wisseschaft, Forschig un Chunscht vum Landdag vu Bade-Wirttebärg
  • Stellverdrättend Mitglid im Innenuusschuss vum Landdag vu Bade-Wirttebärg
  • Stellverdrättend Mitglid im Sozialuusschuss vum Landdag vu Bade-Wirttebärg
  • Stellverdrättend Mitglid im Petizionuusschuss vum Landdag vu Bade-Wirttebärg
  • Mitglid vu dr Enquete Fit fürs Leben in der Wissensgesellschaft – berufliche Schulen, Aus- und Weiterbildung
  • Mitglid vum Byrot fir dr Schuelerwettbewärb, wu d Landeszäntral fir bolitischi Bildig Bade-Wirttebärg im Ufdrag vum Landdag durefiert.
  • Stellverdrättendi Vorsitzeri vum Byrot vu dr Chunschtstiftig Bade-Wirttebärg
  • Mitglid vum Kuratorium un vum Byrot vu dr Stiftig Akademy Schloss Solitude
  • Mitglid vum Kuratorium vu dr Internazionale Bachakademy
  • Mitglid vum Kuratorium vu dr Landesakademy vum Handwärch
  • Mitglid vum Kuratorium un Uusschuss vu dr Stiftig Theaterhuus Stuegert
  • Mitglid vum Kuratorium vu dr Staatlige Toto-Lotto GmbH Bade-Wirttebärg
  • Mitglid im Zweckverband Flugfäld Beblenga-Sendelfenga
  • Ehrevorsitzeri vu dr iberbarteilige Wehlerinitiativ Frauen für Renningen

Weblink ändere

  • Internet-Syte vu dr Heiderose Berroth (Memento vom 14. Septämber 2017 im Internet Archive)
  • Berroth Heiderose (Memento vom 21. Oktober 2007 im Internet Archive), Uuszug us em Abgordnete-Handbuech vum Landdag vu Bade-Wirttebärg fir di 14. Wahlperiod] (PDF-Datei; 111 kB)

Fueßnote ändere

  1. Renningen: FDP-Politikerin Heiderose Berroth ist gestorben. In: szbz.de. 15. September 2022, abgruefen am 15. September 2022.
  2. Florian Mader: Kreistag Böblingen: Abschiedswunsch: Lebendigere Debatten. In: Leonberger Zeitung. 10. Juli 2019, abgruefen am 23. November 2021.
  3. Kathrin Klette: Renningen. Im Kreis will sie noch viel bewirken. In: Stuttgarter Zeitung. 18. Dezember 2017, abgruefen am 23. November 2021.
  Dä Artikel basiert uff ere fräie Übersetzig vu dere Version vum Artikel „Heiderose_Berroth“ vu de dütsche Wikipedia. E Liste vu de Autore un Versione isch do z finde.