Dr Jakob Buser (* 3. Juli 1847 z Gälterchinde; † 19. Juni 1914 z Sissech) isch e Schwizer FDP-Politiker gsi. Är isch reformiert und Bürger vo Gälterchinde gsi.

Sys Läbe ändere

Dr Jakob Buser isch dr Soon vom Johann Jakob Buser, wo buuret het und dr Elisabeth Breitenstein gsi. Im Joor 1871 het är in erschter E`e d Walpurga Reiser vo Dürmentingen (Württemberg) ghürotet und in zwöiter E`e 1884 d Julia Bieder vo Langebrugg. Är isch in d Primarschuel z Gälterchinde und in d Bezirksschuel z Böckte. Drno isch är ins Wälsche go französisch leere. Är het sich im Sälbschtschtudium Schproche, Matematik und Rächtskund bybrocht und het e Handelsleer z Gälterchinde gmacht.

Karriere und Politik ändere

Dr Jakob Buser isch ab 1870 Sekretär vo dr Bezirksschryberey Sissech gsi. Är isch 1875 bis 1881 und 1891 bis 1914 im Landrot gsässe, siebemol als Presidänt, 1887 und 1891 isch är im Verfassigsrot, vo 1890 bis 1913 im Nazionalrot und 1913 und 1914 im Schtänderot gsi. Är isch vo 1898 bis 1914 im Zäntralvorschtand vo dr FDP gsi, sit 1879 Mitglyd vo dr Schuelpfläg Sissech und vo 1885 bis1914 Mitglyd vo dr Bezirksschuelpfläg Böckte gsi. Denn vo 1887 bis 1910 Bezirksgrichtspresidänt z Sissech, vo 1881 bis 1887 Oberrichter (Vizepresidänt 1884 bis 1887), drno vo 1906 bis 1914 Bankrot vo dr Nazionalbank und vo 1907 bis 1914 Zensor vo der Soloturner Kantonalbank gsi. Im Militär het är dr Dienschtgrad vom ene Artilleryoberscht gha und im Joor 1907 isch är Parkdiräkter im Armeeschtab gsi. In ville Firmene het är im Verwaltigsrot mitgmacht und isch in Schütze- und Turnverein in dr Füerig gsässe.

Literarischi Verwys ändere

  • Landschäftler Nr.144, 1914
  • Historisch-biographisches Lexikon der Schweiz 2, 459
  • Gruner 1966, 472

Extärni Verwys ändere