Dr Jakob Wagner (* 2. Jänner 1861 z Gälterchinde; † 22. Septämber 1915 z Wislig) isch e Schwyzer Kunschtmoler gsi. Är isch reformiert und Bürger vo Gälterchinde gsi.

Portrait von Jakob Wagner

Sys Läbe ändere

Dr Jakob Wagner isch dr Soon vom Johannes Wagner und dr Maria Pümpin[1] gsi. 1902 het är d Kunschtmolere Clara Grosch vo Karlsrue ghürotet.

Kunschtmoler ändere

Dr Jakob Wagner het sich an dr Académie des Arts décoratifs z Paris und bim K. Raupp und im L. Herterich z Münche zum Kunschtmoler lo usbilde. Nohär het är sich sälbschtändig wyterbildet. Z Rom vo 1885 bis 1888. In de folgende Joore het är sich z Bouveret am Gämfersee ufghalte und het Landschafte gmolt. Z Sizilie het är sich vo 1891 bis 1893 bsunders mit em Ätna beschäftigt. Aaschliessend het är z Egipte Szene vo Kairo und Umgäbig gmolt, meischtens in dr Akuarelltechnik. 1898 het är schlussändlig z Locarno si ändgültige Woonort gfunde. Do het är e grossi Aazaal Tessiner Landschafte gmolt. Dr Jakob Wagner het mit sym «läbenswoore» Schtil grosse Erfolg gha. Näbe Privatpersone hei au Muse`e und Inschtituzione syni Bilder gchauft. Usser Landschafte het är au Figure gmolt.

Literatur ändere

  • Schweizerisches Künstler Lexikon 3, 416f. (mit Werkverzeichnis)

Weblink ändere

Fuessnoote ändere

  1. Maria Pümpin uf 4460.ch Stammbaum Wagner