Kirnburg
D Kirnburg, au Kürnburg oder Kürnberg gnännt, isch e Burgruine rund 500 Meter eschtli vu Bleiche, eme Ortsdeil vu dr Stadt Härwelze im Landkreis Ämmedinge z Bade-Wirttebärg.
| Kirnburg | ||
|---|---|---|
| Alternativnäme: | Kürnburg, Kürnberg, Castrum Chuornberc | |
| Entstehigsziit: | um 1160 | |
| Burgetyp: | Hecheburg, Spornlag | |
| Erhaltigszuestand: | Muurräscht | |
| Ständischi Stellig: | Adligi, Klerikali | |
| Ort: | Härwelze-Bleiche | |
| Geografischi Lag: | 48° 12′ 15,5″ N, 7° 50′ 26,9″ O | |
| Höchi: | 382 m ü. NN | |
| ||
Lag
ändereDi ehmolig Hecheburg lyt uf eme Bärgsporn vum „Kirnbärg“ 382 Meter iber NN.
Gschicht
ändereDr eltscht Deil vu dr Kirnburg isch um 1160 vum Burkhart I. böue loo wore, wu wie syy Vorgänger im Gfolg vum Stauferchaiser Friedrich Barbarossa gstanden isch. Anne 1219 isch d Burg as „castrum nostro Kurinberc“ s erscht Mol gnännt wore. D Burg isch in dr Bsitz vu dr Herre von Üsenberg chuu, wu im 13. Johrhundert d Vorburg uusböue hän. 1352 sin d Burg un di zuegherig Herrschaft an dr Heinrich IV. von Hachberg gange, wu ne Zytlang uf dr Burg residiert het. Speter sin d Burg un d Herrschaft Kirnberg an regionali Adelsgschlächter verpfändet gsi, wie z. B. an di yyflussryych Fryybeger Adelsfamilie vu dr Schnewlin Landeck, an d Ritter Martin Malterer un Konrad von Weinsberg und ab 1424 an d Bischef vu Stroßbeg, wu d Burg s letscht Mol uusböue hän.
E baar Johr vor em Uusbruch vum Buurechrieg, 1515, het dr Wolf von Hürnheim zum Tuttenstein d Kirnburg as Läche erworbe. Wel d Burg aafangs vum Dryssgjehrige Chrieg in eme schlächte Zuestand gsi isch, isch si vu dr Druppe vum Herzog Bernhard von Weimar, wu in dr Gegnig durezoge sin, schnäll eroberet un gschleift wore. Vu 1682 bis 1967 isch d Burg e Läche vu dr Grofe von Kageneck gsi un isch derno in Bsitz vum Land Bade-Wirttebärg chuu.
Anne 1938 isch d Ruine frejgleit wore, syt 1978 wäre Sicherigs- un Sanierigsmaßnahme fir d Erhaltig as historisch Böudänkmol durgfiert.
Aalag
ändereDi ehmolig Burgaalag vu däre Spornburg het uf em Burgareal vu 60 mol 80 Meter e Chärnburg mit Wirtschaftsgebäude gha, ne Palas an dr Nordsyte un e 2,3 Meter starki Schildmuure, derzue ne Vorburg un e Halsgrabe. Dr Bärgfrid het e Gundflechi vu rund 10 mol 10 Meter gha un e Muursterki vu eim Meter.
Us dr Stroßbeger Zyt (ab 1424) sin wärtvolli Ofechachle erhalte blibe.
Literatur
ändere- J. Schmidt-Brücken: Land Baden-Württemberg. Burgen, Schlösser und Ruinen. Aus der Schriftenreihe: Belser Ausflugsführer. Christian Belser Verlag. Stuttgart 1980. ISBN 3-7630-1290-7
Weblink
ändere- D Burg Kirnberg uf breisgau-burgen.de
- Kirnburg auf alemannische-seiten.de
- D Kirnburg uf georg-kirnberger.de
- Burge im Landkreis Ämmedinge uf burgeninventar.de
_5228.jpg)
|
Dä Artikel basiert uff ere fräie Übersetzig vu dere Version vum Artikel „Kirnburg“ vu de dütsche Wikipedia. E Liste vu de Autore un Versione isch do z finde. |