Kuschdordeng

Basisdata
Bundesland:	Bade-Wirttebärg
Regierongsbezirk:	Dibeng
Landkroes:	Dibenga
Heh:	405 m i. NHN
Fläch:	24,2 km²
Eiwohner:	8863 (31. Dez. 2022)
Bevelkerongsdicht:	366 Eiwohner je km²
Boschtloetzahl:	72127
Vorwahl:	07071
Kfz-Kennzoeche:	TÜ
Gmoedsschlissel:	08 4 16 023
NUTS:	DE21
Adress vo dr; Gmoedsverwaltong:	Kirchentellinsfurter Str. 9 ; 72127 Kusterdingen
Webpräsenz:	www.kusterdingen.de
Schuldes:	Jürgen Soltau
Lag vo de Gmoed Kusterdingen em Landkroes Dibenga
	Karte

Kuschdordeng (nachfolgend Kusdordeng gschriba, dt. Kusterdingen) isch a Gmaende em Landgråes Dibeng en Bada-Wirttaberg.

Dialäkt: Schwäbisch

Geografi

D Gmarkong setzt sich zemme ous 60,7 % Landwirtschaftsfleche, 18,3 % Wald, 20,5 % Sidlongsfleche ond 0,5 % sonschticher Fleche.^[2]

Gmaendegliderong

Zo Kusderdeng ghaered näabem Haobdord Kusdordeng dia vir weidore Ortsdåel Eemahausa (Immenhausen), Jeddaburg (Jettenburg), Maereng (Mähringen) ond Wååga (Wankheim). Älle dia vir Flägga send vår dor Gmaendereform anna 1974 sälbsdendiche Flägga gwäa. Freiwillich isch blos Jeddaburg zo Kusdordeng ganga. De andore drei Flägga hend bis nuff zom Verwaltungsgerichtshof dorgega glagd, hend abor vorlaora. S´ isch abor scho lang widor Frida aeghaerd.

Aus dor Gschiichd

Dor Haobdflägga Kusderdeng isch s´aersde Mål gnennd worda (nåch genwiki.de) anna 1142. Em Ordsdåel Wååga hådd´s bis gega 1890 a åegena Sinagog gäa. Bis heid no vorzeled de alde Wåågamor, wia guad sich ire Vorfara mid de ordsãsässiche Juda vorsdanda hend. Dor ehemaliche jidische Fridhof isch bis heid emma guada Zuasdand.

Geografi

Kusdordeng leid vollsdendich uff dor Häddem (schwäbisch Singular (!), dt. Plural Härten). Mor hådd vo dord nåch Sida on wondorscheena Ausbligg uff d´ Schwäbischa Alb. Vo dor haechsda Sdell, blos a bissle sidlich vo dor B28, kã mor bei guadem Wäddor sogar weid em Wäsda d´ Hornisgrend (Hornisgrinde) säa.

Verwaldong

Kusdordeng ghaerd zo koem Vorwaldongsvorband.

Birgormåesdor isch dor Jürgen Soltau.

Wahla

Ergäbnis vo de Landdagswahla seid 2006:^[3]

Johr	CDU	SPD	FDP	Greane	Lenke¹	AfD	Sonschtiche
2016	22,4 %	13,4 %	8,4 %	37,4 %	3,5 %	11,5 %	3,4 %
2011	31,7 %	22,4 %	6 %	32,8 %	2,6 %		4,6 %
2006	37,2 %	20,8 %	12 %	22,6 %	3,1 %		4,3 %

¹ 2006: WASG, seid 2011: Die Linke

Dialäggd

Dor Dialäggd vo Kusderdeng isch Middlschwäbisch; manche saged ao Näggorschwäbisch dorzua.

Weblinks

Commons: Kusterdingen – Sammlig vo Multimediadateie

Fuaßnod

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
↑ Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).

[2] Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)

[3] Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

[1]

[2]

[3]