Hauptmenü ufmache

D' BLS AG isch di grööscht Privatbahn vu d'r Schwiiz. „BLS“ isch d' Abchürzig vu Bern-Lötschberg-Simplon-Bahn, ä Bezäichnig wu hützutags nüm bruucht wird. Vill meh redt mer vu d'r BLS Lötschbärgbahn.

Inhaltsverzeichnis

D'r BuuBearbeite

Dur dä Lötschberg füehrt nämlich sit de Zwänzgerjahr ä Ysebahn-Hauptachse mit internaziunalem Verchehr. Si isch dazmaal als eleggtrischi Bahn buut wordä. D' Höhedifferänze het mer mit wänige Chehrtunnel im Bärner Oberland überwunde.

D' VorgängerbahneBearbeite

Im Lauf vum 20. Jahrhundert hend verschideni normalspurigi Privatbahne fusiuniert, ass di hüttig BLS AG entstande-nischt. D' Ämmital-Burdgorf-Thun-Bahn, d' Solothurn-Muttiee-Bahn und di Veräinigte Huttwil-Bahne händ villi Jahr zämmegschpannt und au s' Rollmaterial mitenand täilt. Speeter sind's all under eim Name üüfträtte - Regionalverchehr Mittelland. Im Jahr 2007 isch d' Fusiuu mit d'r BLS Lötschbergbahn perfäkt gsii.

FarbeBearbeite

Äs Kapitel für sich sind d Huusfarbe vu dr BLS. D Regiunalzüüg wu em Regionalverchehr Mittelland gchört händ, sind langiszyt rot ahgstriche gsii. Im Betriib sind immer nuch d Ae 4/4 und d Re 4/4 in bruuner Farb, wie früener jedi Loggi bi dr BLS gsi isch. Di tannegrüene Personä-, Gepäck- und Poschtwäge sind wi bi dr SBB Vergangähäit. Di modärne Personäwäge sind blau-wiiss worde, we di modärni Loggi BLS Re 465. Zum Dunggelblau isch äs Hellgrüen biigfüegt worde. I dem Dissein erschiined hüt sämtlichi Nahverchehrszüg, dr ehemalig Städteschnällzug und d Re 4/4 II, wu d BLS dr SBB abgchauft het.

AutoverlaadBearbeite

Zwüsched Chanderstäg im Bärner Oberland und Goppestei im Wallis gits en Autoverlaad dür de Lötschbergtunnel.

JubiläumBearbeite

Im Jahr 2013 het d BLS AG ihres 100 Jährigi Jubiläum gfiret.