Maurice Evard
Der Maurice Evard, wo am 30. Juni 1938 uf d Wält cho isch, isch e Lehrer und Hischtoriker usem Kanton Nöieburg.
Der Maurice Evard isch im Dorf Chézard-Saint-Martin, wo im Val de Ruz im Nöieburger Jura lyt, anne 1939 uf d Wält cho; spöter isch er uf Cernier, s Nochberdorf vo Chézard, go wohne. Sid sinere Jugendzyt het er i den Ortschafte wonner ufgwachsen isch s tradizionelle Läbe vo de Buure und de Handwärcher mit all ihrne alte Gräät agluegt; er het gmerkt ass es Arbetsforme gsi sin, wo me deilwys bi der modärnere Läbenswys nodisno uufgää het.
Er isch denn vo Pruef Lehrer worde und het vo 1958 bis 1969 z Fontainemelon, emene andere Dorf vom Val de Ruz, Schuel ggää, und derno het er a der Uni Nöieburg d Gschicht studiert.
Sid 1976 het der Evard ei Schrift um die anderi zu Frooge vo der Regional- und der Kantonsgschicht, über d Geografy und d Wirtschaft vom Tal, zu der Volchskund und über Boudänkmööler wie öppe s Schloss z Valangin unde useprocht. Er het Büecher über die einzelne Dörfer vom Val de Ruz gschribe. Und vo ihm sind vil Artikel über Nöieburger Sache im Historische Lexikon vo der Schwiiz.
Er isch der Leiter vom Bezirksmuseum z Valangin gsi, wo der kantonale Gsellschaft Société d’histoire et d’archéologie du canton de Neuchâtel ghört. Und er het sech as Redakter vo der Zytschrift Nouvelle Revue neuchâteloise engaschiert. Und vom Kanton het er d Ufgab übercho, bi der offizielle Buechreihe über d Kantonsgschicht Histoire du pays de Neuchâtel mitzmache, wo anne 2002 usecho isch. So isch der Maurice Evard wyt übere Kanton Nöieburg use as Hischtoriker bekant worde.
Weblink
ändere- Maurice Evard (Site cha nüme abgrüeft wärde; Suche im Webarchiv) uf patrimoenia.ch