D Uniwersidäät Nöieburg

Uniwersidäät in dr Schwiz

D Uniwersidäät Nöieburg (franzöösisch Université de Neuchâtel) isch im Joor 1909 im schwizerische Nöieburg gründet worde und het fümf Fakultääte.

Uniwersidäät Nöieburg
Université de Neuchâtel
Logo
Gründig 1909
Drägerschaft staatlig
Ort Nöieburg, Schwiz
Studänt*ene öbbe 4'400 (2014)
Mitarbeiter*ne 587
drvo Profässer*ne 117
Johresbudget 100 Mio. CHF
Netzwärch BeNeFri, Triangle Azur
Website www.unine.ch

Gschicht ändere

D Uniwersidäät goot zrugg uf t Akademii, wo 1838 dr Friedrich Wilhelm IV. vo Pröisse, wo denn Fürscht vo Nöieburg gsi isch, gründet het. D Akademii isch 1848 vom Grosse Root zuedoo worde, 1866 widereröffnet und 1909 in en Uniwersidäät umgwandlet worde.

Iir Brofiil ändere

D Uniwersidäät Nöieburg het im Joor 2014 öbbe 4400 Studierendi und 587 akademischi Mitarbäiter mit 117 Brofessuure gha. Öbbe 55 Brozänt vo de Studierende si Fraue.

Fakultääte ändere

D Uniwersidäät het fümf Fakultääte:

S Hauptgeböid, wo e Däil vo dr Verwaltig, d Faculté des Sciences économiques et sociales und e Däil vo dr Faculté de Droit din si, und s Geböid vo dr Faculté des Lettres et Sciences Humaines lige diräkt am Nöieburgersee.

D Faculté des Lettres et Sciences Humaines het öbbe 2000 Studuerendi und isch die grössti Fakultäat vo dr Uniwersidäät.[1] Si bietet Abschlüss aa in Anglistik, Archeologii, Ethnologii, Geografii, Germanistik, Gschichtswüsseschaft, Schurnalistik, Klassischi Filologii, Kunstgschicht, Linguistik, Pedagogik, Filosofii, Psüchologii und Romanistik.

An dr Theologische Fakultäät cha mä wie an de Unis vo Gämf und Lausanne evangelischi Theologii studiere.

Institut ändere

Die wichdigste Institut si:

  • Laboratoire de traitement du langage et de la parole
  • Centre des recherches sémiologiques
  • Institut de langue et civilisation françaises
  • Institut de l’ethologie et de l’anthropologie, mit em aagschlossnige Musée d’Ethnographie.

Bi der Uni isch au s Wälschschwiizer Mundartwörterbuech, s Glossaire des patois de la Suisse romande.

Internationals Renommee het d Uniwersidäät Nöieburg für iiri Institut für Biologii, Ethnologii, Gsundhäitsrächt, Mikrotechnik und für s Institut de recherches économiques et régionales (IRER).

D Verwaltig ändere

S Jooresbüdsche vo dr Uniwersidäät Nöieburg isch öbbe 120 Millione Schwizer Franke, vo dene falle 30 Millione uf Forschigskredit.

Sit 2016 isch dr Kilian Stoffel der Räkter vo der Uni. Är het d Martine Rahier abglöst, wo die ersti Frau in däm Boste in dr Wälschschwiz gsi isch.

Literatur ändere

Weblingg ändere

  Commons: Uniwersidäät Nöieburg – Sammlig vo Multimediadateie

Fuessnoote ändere

  1. Faculté des lettres et sciences humaines. Archiviert vom Original am 19. Januar 2019; abgruefen am 28. Februar 2019.

Koordinate: 46° 59′ 38,1″ N, 6° 56′ 19″ O; CH1903: 561967 / 204884