Hauptmenü ufmache
Nöiäburgersee
Abestimmig am Nöieburgersee
Blick vor Arteplage Richtig Auvernier
Date
Name: Nöieburgersee
Lac de Neuchâtel
Lage: Romandie
Flächi: 217,9 km²
maximale Tiefi: 152 m
Ruminhalt: 14 km³
Zueflüss: Zihl,
La Mentue,
L'Areuse,
Broyekanal
Abflüss: Zylkanal
Höchi: (m ü. M.) 429 m
Grösseri Stedt
am Ufer:
Yverdon-les-Bains,
Nöieburg,
Estavayer-le-Lac
Bsungerheite: dr gröscht Schwizer See,
wo ganz ir Schwiz isch
Charte
d Laag vom Nöieburgersee

Dr Nöieburgersee, oder uf Französisch: Lac de Neuchâtel, isch mit erer Flächi vo 217,9 Kwadratkilometer dr gröschti See, wo vouständig ir Schwyz ligt. Är ligt i de Kantöön Nöieburg, Fryburg, Waadt u Bärn.

GeografyBearbeite

D Houptzueflüss sy d Areuse, wo dur d Areuseschlucht us em Jura abechunt und bim Dörfli Areuse i See mündet, d Zyyl (französisch: Thielle) u der Broyekanal, wo vom Murtesee här chunt. Dr Abfluss isch der Zyylkanal (Canal de la Thielle), wo i Bielersee goot. Zäme mit em Murtesee dient der See aus Usglychsbecki, wenn d Aare, wo i Bielersee mündet, hööchs Wasser het. Wenn der Bielersee ufgstout wird, fliesst s Wasser im Zyylkanal und im Broyekanal drum obsi i Nöieburger- und Murtesee zrügg.

Dr Nöieburgersee isch 38,3 Kilometer lang u a der breiteschte Schtöu 8,2 Kilometer breit. Dr See isch maximal 152 Meter töif u sy Wasserinhaut betreit rund 14,0 km³. Ds Yzugsgbiet isch 2670 km² gross.

A sym nördliche Ufer ligt d Stadt Nöieburg, wo nem der Name het ggä, am weschtliche Ände d Stedtli Yverdon-les-Bains u Grandson. Am Südufer ligt ds mittuauterliche Stedtli Stäffis am See (französisch: Estavayer-le-Lac).

Em See noo hets grossi Naturschutzpiet, s gröschte isch d Grande Cariçaie, e wärtvolli Riet- und Wasserlandschaft, wo 30 Kwadratkilometer gross isch und es rychs Biotop isch; dr Nordteil drvo isch s Fanel; d Naturkundler schetze es gäb im ganze Piet öppe 800 Pflanzeaarte und 10'000 Dieraarte.[1]

TurismusBearbeite

Für usswärtigi Psuecher attraktiv isch d Region vom Nöieburgersees, wüu me uf em mit Schiff cha fahre und ganz bsungers wäge de Wybärge am Jura-Südfuess. Aapflanzt wärde Chasselas u Pinot Noir (Blauburgunder) u hier entsteit dr internationau bekannti Oeil-de-Perdrix. Wanderwäg u Radwanderwäg führe dür d Wybärge u di chlyne Winzerdörfer oder direkt am Seeuefer entlang. Ou kulinarisch het d Region öppis z biete.

Uf em See sind es baar vo de Schauplätz vo der grosse Schwiizer Landesuusstellig Expo.02 gsi.

GschichtBearbeite

Am See hei i der Urzyt Möntsche i Seeufersidlige gläbt, wo d Archäolooge ungersuecht hei. Die ghöre zum Wälterb vo der UNESCO.

Sehenswürdigkeite (Uswau)Bearbeite

  • Wanderig i der Areuseschlucht
  • s Schloss vo Nöieburg
  • d Burg vo Yverdon
  • Menhire vo Clendy (Yverdon)
  • Pfaubouerdorf (Gletterens)
  • Naturschutzgebiet "La Sauge" (Cudrefin)
  • Centre Dürrenmatt (Nöieburg, erbout vom Mario Botta)
  • Musée de l'Areuse (Boudry)
  • s Museum Laténium (Hauterive)
  • Fröschmuseum (Estavayer)

LiteraturBearbeite

WeblinkBearbeite

  Commons: Nöieburgersee – Sammlig vo Multimediadateie

FuessnooteBearbeite