Auvernier

Auvernier (uf Frankoprovenzalisch: [a ovɛrˈni], uf dytsch früener: Avernach) isch en Ortschaft vo der nöieburgische Gmeind Milvignes.

Auvernier
Wappe vo Auvernier
Basisdate
Staat:	Schwiiz
Kanton:	Nöieburg (NE)
Bezirk:	(Dr Kanton Nöieburg kännt sit 2018 kä Bezirk me.)
Gmeind:	Milvignesi2
Poschtleitzahl:	2012
Koordinate:	557432 / 20296646.9763966.87918433
Höchi:	433 m ü. M.
Flächi:	1.69 km²
Iiwohner:	1559 (31. Dezämber 2012)
Website:	www.auvernier.ch
s Roothuus vo Auvernier s Roothuus vo Auvernier
Charte
Auvernier (Schweiz) Auvernier ww

Bis Endi 2012 isch es en eigeti Gmai im Bezirk Boudry gsii.

Geografi

Auvernier isch e Dorf am Nordwschtestade vum Nöueburgersee. Zue Auvernier ghert au no s Quartier Beauregard. Der Bann vo der ehemolige Gmai bestoht us 48 Prozänt landwirtschaftligi Flechi, 4 Prozänt Wald, 46 Prozänt Sidligsflechi un öppe 2 Prozänt sunschtigi Flechi.

Gschicht

Auvernier isch zum erschte Mol imene Dokumänt gnännt wore anne 1011 as Averniacum.

Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.

Uf Aafangs 2013 hän die ehemolige Gmainde Auvernier, Bôle un Colombier zur Gmaind Milvignes fusioniert.

Bevelkerig

Quälle: Bundesamt für Statistik 2005

Johr	1850	1860	1870	1880	1888	1900	1910	1920
Yywohner	677	703	678	804	783	875	866	940
Johr	1930	1941	1950	1960	1970	1980	1990	2000
Yywohner	951	960	1021	1186	1433	1439	1408	1533

Dr Uusländeraadail isch 2010 bi 15,3 Prozänt gläge.

Religion

47,2 Prozänt vo dr Yywooner sin evangelisch-reformiert, 22,8 Prozänt sin römisch-katholisch (Stand 2000).

Bolitik

Bi dr Nationalrootswahle 2011 het s des Ergebnis gee: BDP 1,0 %, CVP 2,8 %, FDP 44,9 %, Grüeni 7,6 %, PdA 0,3 %, SP 18,0 %, SVP 19,5 %.

Wirtschaft

Auvernier isch sid Joorhunderte es bekants Räbboudorf und au en Oort vo der Fischerei im Nöieburgersee.

Sid 1888 stoot z Auvernier die kantonali Räbbouschuel.

S Dorf lyt a der Hauptstrooss 5 vo Nöieburg uf Ifferte.

Sproch un Dialäkt

Bi dr Volkszellig 2000 hän vu dr 1533 Yywohner 86,2 Prozänt Franzesisch as Hauptsproch aagee, 6,7 Prozänt Dytsch, 2 Prozänt Italienisch un 5 Prozänt anderi Sproche.

Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn

Bilder

• 
  d Grand'Rue
• 
  der Haafe Port du vin
• 
  Blick no Oschte zum Dorf
• 
  s Schloss
  Château d'Auvernier

Literatur

• Michel Egloff, Germain Hausmann: Auvernier. In: Historisches Lexikon vo dr Schwiiz.

Weblink

 Commons: Auvernier – Sammlig vo Multimediadateie