Bevaix
Bevaix (frankoprovenzalisch [bɛˈvɑː]) isch es Dorf i de bolitischi Gmai La Grande Béroche vom Kanton Nöieburg.
| Bevaix | |
|---|---|
 | |
| Basisdatä | |
| Staat: | Schwiiz |
| Kanton: | Nöieburg (NE) |
| Bezirk: | Boudry |
| Gmeind | La Grande Béroche |
| PLZ | 2022 |
| Koordinate: | 552637 / 198062 |
| Höchi: | 475 m ü. M. |
| Flächi: | 10.76 km² |
| Website | www.bevaix.ch |
 La pointe du grain bi Bevaix | |
| Charte | |
| BEMERKUNG_KARTE= | |
Geografi
ändereBevaix isch e Dorf iber em chlaine sumpfige Platoo in dr Nechi vum Nöieburgersee. Zue Bevaix ghert au no dr Wyler L'Abbaye (471 m ü. M.). Dr Bann umfasst 38,1 % landwirtschaftligi Flechi, 47,8 % Wald, 13,3 % Sidligsflechi un 0,8 % sunschtigi Flechi.
Gschicht
ändereBevaix isch zum erschte Mol gnännt wore anne 998 as in villa Bevacensi, 1139 Betuaci.
Syt 1648 isch Nöieburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöieburg blibe.
Bevelkerig
ändereQuälle: Bundesamt für Statistik 2005[1]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 740 | 782 | 816 | 881 | 880 | 1074 | 1108 | 1204 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 1216 | 1242 | 1217 | 1407 | 1945 | 2601 | 3375 | 3603 |
Dr Uusländeraadail isch 2010 bi 15,7 Prozänt gläge.
Religion
ändere43,1 Prozänt vo dr Yywooner sin evangelisch-reformiert, 29,7 Prozänt sin römisch-katholisch (Stand 2000).
Bolitik
ändereBi dr Nationalrootswahle 2011 het s des Ergebnis gee: BDP 0,8 %, CVP 2,3 %, FDP 34,2 %, Grüeni 9,8 %, PdA 0,6 %, SP 26,7 %, SVP 19,9 %.
Wirtschaft
ändereIm Dorf isch t Landwirtschaft tradizionell bedüütend; der Räbbou isch am Bärghang über em See wichtig. Hüt läbe vil Lüüt im Dorf, wo als Pändler us em Dorf zu der Arbet fahre.
Sproch un Dialäkt
ändereBi dr Volkszellig 2000 hän vu dr 3603 Yywohner 86,6 % Franzesisch as Hauptsproch aagee, 5,1 % Dytsch, 2,4 % Italienisch un 5,8 % anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[2][3]
Literatur
ändere- Germain Hausmann: Bevaix. In: Historisches Lexikon vo dr Schwiiz.
Weblink
ändere
Commons: Bevaix – Sammlig vo MultimediadateieFueßnote
ändere- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ Andres Kristol: Que reste-t-il des dialectes gallo-romans de Suisse romande?. In: Jean-Michel Eloy (Hg.).: Evaluer la vitalité. Variétés d’oïl et autres langues. Université de Picardie / Centre d’Etudes Picardes, Amiens 1998, S. 101–114
- ↑ Pierre Knecht: Die französischsprachige Schweiz. In: Hans Bickel, Robert Schläpfer (Hg.): Die viersprachige Schweiz. Sauerländer, Aarau/Frankfurt/Salzburg 2000, S. 139–176
