Michael Koschmider

Dr Michael Koschmider (* 25. Juni 1952 z Löörech) isch e dytsche Leerer un Autor.

Lääbe

Dr Koschmider isch z Chränzech ufgwachse. Z Rhyfälde isch er uf s Gimnaasium gange un het derno Jura un Mathematik un Chunscht uf Leeramt an dr Pedagoogische Hoochschuel z Löörech studiert. Är het as Pedagoog im Baasler Juugedkultuurzäntrum Sommercasino gschafft. Är het as Leerer an dr Markgroofeschuel z Wyyl, an dr Schuel z Hasel un im Schuelzäntrum z Efrige-Chilche gschafft. Fir e baar Joor lang het er si vum Schueldienscht beuurlaube loo un isch as Laiter an d Volkshoochschuel z Chander gange. Ab 2007 het er wider as Leerer an dr August-Macke-Schuel z Chander gschafft bis zue syre Pänsionierig anne 2015.

Dr Koschmider isch Mitgliid vu dr SPD un fir sy Bartei vu 2014 bis 2019 im Ortschaftsroot z Liel ghockt.

Dr Koschmider macht syt lange Joor Stadtfierige z Baasel. Är het Stadtfierer iber Basel gchriibe un au ne Fierer iber d Haslemer Erdmannshööli.

Anne 1985 het dr Michael Koschmider bim Wettbewärb Jungi Mundart 84 vu dr Muettersproch-Gsellschaft dr 3. Bryys fir Lyrik gwunne. Gedicht un Gschichte vun em uf Alemannisch sin in dr Anthology D Hailiecher uusechuu. Syterhär isch dr Koschmider nimi as Dialäktautor in Erschyynig drätte.

Är isch ghyroote un het mit syre Frau zwee Siin. Är läbt mit syre Familie im Schliengemer Ortsdail Liel.

Wäärch

• Wandern in der Stadt Basel. 2., überarbeitete Auflage. Rotpunktverlag, Zürich 2016. ISBN 978-3-85869-670-0
• Basel aus 2. Hand. Die Basler Brockenhaus Bibel. Books on Demand GmbH, Norderstedt 2019. ISBN 978-3-7448-3717-0
• Ein Begleiter durch die Erdmannshöhle in Hasel. Hasel 1988. 48 S. Ill.
• Geschichten und Gedichte. In: D Hailiecher, Alemannische Anthologie Junge Mundart. Hrsg. Markus Manfred Jung/Muettersproch-Gsellschaft, Morstadt Verlag, Kehl 1987