Hasel (Bade)
Hasel [IPA: 'ha:z̥əl] isch e Gmeind im Landchreis Lörrach, Bade-Württeberg.
| Wappe | Dütschlandcharte | |
|---|---|---|
|
| |
| Basisdate | ||
| Dialekt: | Alemannisch | |
| Hauptvariante: | Hochalemannisch | |
| Regionalvariante: | Markgräflerisch | |
| Bundesland: | Bade-Württebärg | |
| Regierigsbezirk: | Fryburg | |
| Landchreis: | Löörech | |
| Höchi: | 425 m ü. NHN | |
| Flächi: | 11,7 km² | |
| Iiwohner: |
1189 (31. Dez. 2022)[1] | |
| Bevölkerigsdichti: | 102 Iiwohner je km² | |
| Poschtleitzahl: | 79686 | |
| Vorwahl: | 07762 | |
| Kfz-Chennzeiche: | LÖ | |
| Gmeischlüssel: | 08 3 36 034 | |
| Gemeindegliderig: | Hasel und Glashütte | |
| Adress vo dr Gemeindeverwaltig: |
Hofstraße 2 79686 Hasel | |
| Webpräsenz: | ||
| Burgermeischter: | Helmut Kima | |
| Lag vo dr Gemeinde Hasel im Landchreis Löörech | ||
 | ||
| Dialäkt: Markgräflerisch (Lörrach) |
Geografischi Lag
ändereHasel litt am Südrand vom Schwarzwald im Haseldal zwüsche de Däler vo de Wyse und de Wehra. Im Süde gränzt Wehr (Waldshüet) a, zu allne andere Site vom Dorf ligt Schopfe.
Zu de Gmeind ghöre d Dörfer Hasel und Glashütte, d Hüser Altmatt und d Bahnstation Hasel. Usserdem ligt d Wiestig Eichebrunnehof im Gmeindegebiet.
Gschicht
ändereHasel isch am 7. Juni 820 zum erschte Mol erwähnt worre. Des isch in re Urkunde vom Chloster St. Galle als Hasalaho gsi. 1005 hät de dörtmolig Kaiser e Hofgüet uss em Dorf verschenkt. In de Folgezit hän im Lauf vo de Gschicht verschydeni Herrscher d Macht über s Dorf gha; 1305 isch es zämme mit Röttle an Bade cho. 1557 isch es noch de Reformation evangelisch worre; di erschti Chirch isch 1275 zum erschte Mol urkundlig erwähnt worre. In säller vo 1779 isch e Daufstei vo de alte Chirch erhalte.
Im 17. Johrhundert hät mer im hüttige Ortsdeil Glashütte agfange, Glasware herzstelle. Des isch hütt nümmi de Fall; d Gmeind dient gröschtedeils als Wohngebiet, agsydelti Undernehme hät s wenig.[2]
Wahle
ändereErgebnis vo dr Landdagswahle sit 2006:[3]
| Johr | CDU | SPD | FDP | Grüeni | Linki1 | AfD | Suschtigi |
| 2016 | 24,4 % | 10,4 % | 6,8 % | 32,1 % | 2,5 % | 14,9 % | 8,9 % |
| 2011 | 31,6 % | 24,1 % | 3,5 % | 31,1 % | 1,5 % | 8,1 % | |
| 2006 | 43,3 % | 26,2 % | 7,4 % | 12,3 % | 1,6 % | 9,3 % |
1 2006: WASG, sit 2011: Die Linke
D Hasler Höhli
ändereD Hasler Höhli oder Erdmannshöhli isch e Sehenswürdigkeit vo Hasel. Si isch eini vo de älteste Tropfsteihöhle vo Dütschland; in re findet mer au de ältst Tropfstei vo Dütschland, wo vier Meter hoch und ca. 135'000 Johr alt isch. D Höhli isch insgsamt 2185 Meter lang; 360 dodevo cha mer besichtige. De Namme chunnt vo de Erdmännli, wo do de Legände noch ghust hän. Under anderem hät au de Johann Peter Hebel über si gschribe.[4]
-
Igang zur Höhli -
evangelische Chilche
Weblink
ändereQuelle
ändere- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Gschicht uf de Websyte vo de Gmaind Hasel
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
- ↑ Tauchen Sie ab ... uf de Websyte vo de Gmaind Hasel
