Hauptmenü ufmache

D Monika Eugenie Schnaitmann (* 10. Jänner 1952 z Ulm) isch e dytschi Bolitikeri (Bindnis 90/Di Griene) un isch vu 1992 bis 1996 Mitglid vum Landdag vu Bade-Wirttebärg un vu 1997 bis 2001 Landesvorsitzeri vu dr Griene z Bade-Wirttebärg gsii.

Inhaltsverzeichnis

Uusbildig un BeruefBearbeite

D Schnaitmann het anne 1971 s Wirtschaftsabitur gmacht. Vu 1971 bis 1975 het si an dr Pedagogische Hochschuel Reidlenga Änglisch, Pedagogik u Evangelischi Theology studiert. Derno het si Evangelischi Theology an dr Universitet Dibenga studiert. Z Sendelfenga het si s Vikariat gmacht. Aafanga 1980er Johr het si d Schnaitmann gwaigeret, en Soldat in Uniform z dröue, dodruf het si Brobläm mit dr Chilche kriegt.[1] Vu 1987 bis 1992 het si as Seelsorgeri an eme Alte- un Bfläägehaim z Dibenga gschafft. Vu 2003 bis 2017, no ihre bolitische Karriere, isch si Bfaareri z Bodelshausen gsii.

Bolitischi KarriereBearbeite

Ihri erschte bolitische Schritt het d Schnaitmann bei dr Jungen Union z Albstadt-Ebingen gmacht, si isch vu 1968 bis 1972 Mitglid vu dr Jungen Union gsii. Iber d SPD isch si schließli 1984 zuer dr Griene chuu.

In dr Johr 1984 bis 1992 isch si Mitglid vum Chraisdag vu Landchrias Dibenga gsii. Vu 1992 bis 1996 isch si Abgordneti vum Landdag vu Bade-Wirttebärg gsii un isch dert zueständig gsii fir Schuelbolitik un Chilchefrooge. Bi dr Landdagswahl 1996 het si ihre Chraisverband nimi fir dr Landdag ufgstellt, derfir d Sabine Schlager. Vu 1997 bis 2001 isch si zäme mit em Reinhard Bütikofer (bis 1999) un em Andreas Braun (syt 1999) Landesvorsitzeri vu dr Griene z Bade-Wirttebärg gsii. Anne 1999 isch si in Dibenger Chraisdag retuur gchehrt. Dert isch si Mitglid im Verchehrsuusschuss, stellverdrättend Mitglid im Sozialuusschuss un Verwaltigsreeti vu dr Chraissparkass Dibenga gsii.

Anne 2004 het d Schnaitmann ihre bolitische Karriere en Änd gmacht.

EhrenämterBearbeite

  • Vorstandsvorsitzeri vu dr LeF (Landesarbetsgmainschaft vu evangelische Familiebildigsstätte) (bis 2009)
  • Mitglid im Vorstand vu dr EAEW (Evangelischi Erwachsenebildig z Wirttebärg)
  • Mitglid vu dr Mitgliderversammlig vum Dytsche Inschtitut fir ärztlligi Mission am Paul-Lechler-Chrankehuus z Dibenga.

FamilieBearbeite

D Monika Schnaitmann isch ghyrote un het zwee Sihn un ai Dochter. Ihre Mann Gerhard het bis zue sym Ruestand as Nochverchehrsexpert bi dr Nochverchehrsgsellschaft Bade-Wirttebärg gschafft un isch sälber im Dibenger Gmairoot bolitisch aktiv gsii.

LiteraturBearbeite

  • Ina Hochreuther: Frauen im Parlament. Südwestdeutsche Parlamentarierinnen von 1919 bis heute. Stuttgart 2012, ISBN 978-3-923476-16-9, S. 240ff.

WeblinkBearbeite

FueßnoteBearbeite

  1.  Ina Hochreuther: Frauen im Parlament. Stuttgart 2012, ISBN 978-3-923476-16-9, S. 240.
  Dä Artikel basiert uff ere fräie Übersetzig vu dere Version vum Artikel „Monika_Schnaitmann“ vu de dütsche Wikipedia.

E Liste vu de Autore un Versione isch do z finde.