D Nemeter (lat. Nemetes; altgriechΝέμητες, Némētes) sind e germanische Stamm i de Pfalz i de Rhiiebini gsii. Si hend südlich vo de Vangione, östlich vo de Mediomatriker und nördlich vo de Triboker gwont. Im Oste het de Rhii d Grenze bildet.

Name ändere

De Name vom Volch isch Gallisch und bidütet »die vom Hailige Hain« (gall. nemeton; altsächs.: nimidas; lat. nemus »hailige Hain«).

Gschicht ändere

D Nemeter sind im Joor 71 v. Chr. zäme mit de Triboker und de Vangione und andere Stämm mit em Ariovist öber de Rhii choo und i Gallie iigfale. Ahand vo de Archäologii hend si aber erst i de erst Hälfti vom 1. Jh.n. Chr. Land vo de Mediomatriker westlich vom Rhii iignoo. Ere Vorot isch Noviomagus Nemetum (hüt: Speyer) gsii.

Si hend im Joor 50 n. Chr. a de Römer im Chrieg gege d Chatte ghulfe und nöd am Uufstand vo de Treverer vom Joor 70 tailgnoo. Nochdem d Alemane de Limes broche hend und d Decumates agri bsetzt hend, sind die immer wider is Piet vo de Nemeter iigfale.

Kultur ändere

Uursprüngli e germanisches Volch, hend si früe di galloromanischi Kultur agnoo und hend sich nöme gross vo de binochbuurte gallische Stemm underschide. Nebet de Veezucht und em Ackerbau hend si au vom Töpfere glebt.

Quelle ändere

  • Julius Cäsar: Gallische Chrieg 1,51
  • Cornelius Tacitus: Annale 12,27,2

Büecher ändere

  • Der Neue Pauly, Bd.8: »Nemetes«