Hauptmenü ufmache

Di Nöi Helvetisch Gselschaft isch e Schwiizer Organisazioon, wo ane 1914 gründet worden isch.

Es isch ere i dr Afangszyt drum ggange, s Zämeläbe vo de Sproochgruppe i dr Schwiiz z verbessere. Es het dozmol bsunders zwüsche de Düütschschwiizer und de Wälsche e Graabe gää, wo me hätt wele überwinde. D NHG het Ortsgruppe i vilne Schwiizer Stedt und au im Ussland bildet. Wäge dr Reed Unser Schweizer Standpunkt, wo dr Dichter Carl Spitteler ane 1914 vor dr Versamlig vo dere Gselschaft ghalte het, sind d Zyl vo dr NHG im Land guet bekant worde.

D Gselschaft het 1920 drfür plediert, d Schwiiz sell em Völkerbund byträtte; und im Sinn vo ihrem Zyl, s wärtvollen Eerb vo dr Schwiiz z erhalte, het si dr Rhynau-Iniziative zum Schutz vo dr Landschaft am Hochrhy ghulfe.

Sid ane 2007 heisst d Organisazioon: Neue Helvetische Gesellschaft-Treffpunkt Schweiz (NHG-TS).

WeblinkBearbeite