Nicole Razavi
| Dialäkt: Undermarkgreflerisch |
D Nicole Razavi (* 20. Mai 1965 z Hongkong) isch e dytschi Bolitikeri (CDU) un syt 2006 Mitglid vum Landdag vu Bade-Wirttebärg.
Uusbildig un Beruef ändere
D Razavi isch z Ebersbach an der Fils uf s Gimnasium gange un het dert anne 1984 s Abitur gmacht. No dr Schuel het si an dr Universitete Dibenga un Oxford Anglischtik, Bolitology un Sportwisseschaft studiert. Anne 1991 het si s erscht un 1993 s zwait Staatsexame abglait. Vu 1993 bis 1995 het si as Assessori un Studiereeti am Wirtschaftsgimnasium Stuttgart-Feuerbach gschafft un vu 1995 bis 2001 as Laiteri vu dr Preässe- un Marketingabdailig vu dr Nooverchehrsgsellschaft Bade-Wirttebärg mbH (NVBW). Ab 2001 het si bis 2004 as Persenligi Referänti vum Staatssekretär im Minischterium fir Umwält un Verchehr gschafft. Vu 2004 bis 2005 isch si Laiteri vum Minischterbiro gsii un derno bis April Birolaiteri vum Stefan Mappus, em Franktionsvorsitzer vu dr CDU-Landdagsfraktion.
Politik ändere
Vu 1997 bis 2019 isch d Nicole Razavi Vorsitzeri vum CDU-Chraisverband Geppenga gsii, syt 2019 isch si Ehrevorsitzeri. Bi dr Kommunalwahl 2011 isch si in Chraisdag vum Landchrais Geppenga gwehlt wore.
Bi dr Landdagswahl 2006 het si im Wahlchrais Geislenga kandidert un isch iber e Dirkäktmandat in Landdag gwehlt wore. Au bi dr Landdagswale 2011 un 2016 het z Geislenga si wider s Diräktmandat gwunne.
Vu 2006 bis 2016 isch si Sprächeri vu ihre Fraktion fir Verchehr un Infrastruktur gsii. Syter 2016 isch si Barlemäntarischi Gschäftsfiereri un Stellverdrättendi Vorsitzeri vu dr CDU-Landdagsfraktion. Im Landdag isch si Mitglid im Bresidium, im Uusschuss fir Wisseschaft, Forschig un Chunscht, im Uusschuss fir Verchehr, im Uusschuss no Artikel 62 vu dr Verfassig (Notbarlemänt). Derzue isch si Stellverdrättend Mitglid im Uusschuss fir Inners, Digitalisierig un Migration, im Uusschuss fir Finanze un im Uusschuss fir Sozials un Integration.
Sunschtigs Engaschmänt ändere
- Bresidänti vum Turngau Staufen e. V.
- Stellverdrättend Mitglid vum Verwaltigsrot vu dr Kreissparkasse Göppingen
- Stellverdrättend Mitglid vum Byrot vum Alb-Elektrizitätswerk Geislingen-Steige eG
- Mitglid vum Council vu dr Sweco GmbH, Bremen
- Mitglid im Stiftigsrot vu dr Stiftig „Zeit für Menschen“
Weblink ändere
Commons: Category: – Album mit Multimediadateie