Olive Emil Wetter (* 1980 z Bern) isch e Schwyzer Pianischt, Klavierlehrer und Psycholog.

Olive Emil Wetter
Geburtsname Olive Emil Wetter
Uf d Wält cho 1980, Bärn, Schwiiz
Genre Chammermusig
Beschäftigung Pianist, Klavierlehrer, Psycholog
Instrument Pianist
Het gspiilt mit Bettina Sartorius
Paul Moser
Het zsämmegschafft mit Kurt Aeschbacher
Nina Havel

Läbe ändere

Är het mit Vierehaubi sini erschte Klavierstunde übercho. 1997 het är ds Schtudium a dr Hochschule der Künste Bern ufgnoh, wo är unter anderem i dr Meischterklass vom Prof. Bruno Canino gsi isch und mit em Lehr- und Konzärtriifediplom abgschlosse het. Während dere Zyt het är Chammermusigunterricht unter anderem bim Jörg Ewald Dähler gnosse. 2003 het är parallel zumene Gaschtschtudium a dr Hochschule für Musik und Theater Hannover bim Prof. Martin Dörrie ds Schtudium vor Psychologi, Psychopathologi und dr Anglistik ar Universität Zürich agfange, wüu er tieferi Iisichte i ds mönschliche Erläbe und Verhaute het wöue gwinne. Är het Priise aus Solischt und Chammermusiker bi Wettbewerbe z Bärn, Züri und Basel übercho und het unter anderem in Ufführige unter em Marc Kissóczy und em Jürg Wyttenbach mitgmacht. Zu sine Chammermusigpartner ghöre d Bettina Sartorius vo de Berliner Philharmoniker und dr Paul Moser, ehemaus Konzärtmeischter vom Berner Symphonie Orchester. In eigene Projekt förderet er interdisziplinäri Zämenarbeit, öpe mit Moderatore wie em Kurt Aeschbacher und dr Nina Havel.

Ufnahme ändere

Bis hüt gits füf CD-Iischpilige; derbi si e "Winterreise" und mehreri Erschtufnahme vo Wärk vo zytgenössische Schwyzer Komponischte.

Weblinks ändere

  Dä Artikel basiert uff ere fräie Übersetzig vum Artikel „Olive_Emil_Wetter“ vu de dütsche Wikipedia. E Liste vu de Autore un Versione isch do z finde.