Alemannische Wikipedia

Pariser Südbaanhof

Gare d’Austerlitz isch e Witerleitig uf dä Artikel. Für d Station vo dè Pariser Métro luèg Gare d’Austerlitz (Métro Paris).

i1i3i7i10i12i14i16i16i16i18

Gare d’Austerlitz
Empfangsgebäude vom Pariser Südbaanhof
Daate
Bedriibsart Kopfbahnhof
Perron 21 (davon 4 im Tiefgeschoss)
Passaschier ca. 85.000[1]
Eröffnig 20. Septembèr 1840
Architektonischi Date
Archidekt Pierre-Louis Renaud
Laag
Stadt Paris
Département Paris
Region Île-de-France
Staat Frankreich
Koordinate 48° 50′ 30″ N, 2° 21′ 58″ OKoordinate: 48° 50′ 30″ N, 2° 21′ 58″ O
Iisebahnstreckene
Lischte vo de Bahnhööf z Frankriich


Dè Baanhof Gare d'Austerlitz (als. Auschterlitz-Baanhof, urschprünglich Gare d'Orléans odder Baanhof vo Orléans)[2] isch ein vo dè sechs Kopfbahnhööf vo Paris. Er lyt im 13. Arrondissement im Quartyr de la Salpêtrière (als. im Salpeter-Virtel) am linkè Seine-Ufer.

Nammè ändere

Dè Nammè vom Baanhof stammt vo dè mährischè Stadt Auschterlitz, bi dèrrè dè Napoleon i dè Dreikaiserschlacht am 2. Dezembèr 1805 gegè diè vo dè Maaschtärki hèr übberlegènè öschterrychisch-russischè Truppè i d Schlacht zogè isch. Für d Erinnerig a sèllèn historischè Syg sin nebbè m Baanhof au s Chriègsschiff Austerlitz vo dè französischè Marinè un dè Quai d’Austerlitz, s Auschterlitz-Kai, z Paris nõch èm Uusdragungsort vo dè Schlacht dauft worrè. Dè urschrünglich Nammè Baanhof vo Orléans git au Zügnis übber diè Richtungsbschtimmig, well z Paris èn Huufè Örtlichkeitü, wo im Südè vo dè Stadt ligèd, nach dè nägscht größerè Stadt im Südè, Orlèans, benamst sin, dõmit hèt dè Baanhof am Aafang also Südbaanhof gheißè.

Gschichtè ändere

 
Èrschtè Baanhof im Johr 1843
 
Übbersicht vo dè zuèschtändigè Baanhööf

Schu 1840 isch wègè dè Eröffnung vo dè Streggi Paris–Corbeil èn èrschtè Baanhof a dè Stell vom hütigè baut worrè. Sebbi Streggi isch 1843 bis Orléans volängerèt worrè. 1846 isch dè Baanhof èrschtmòls vogrößerèt worrè.

Zwůschè 1862 un 1870 isch dè Baanhof komplètt neu baut worrè. Diè neu Baanhofshallè uss Metall hèt eini für d Bauzit beachtlichi Spannwitti vo 51,5 Meter un isch 280 Meter lang. Dè große Raum isch wôrend dè Belagerig vo Paris im Johr 1870 zu dè Hèrschtellig vo Heißluftballons bruucht wore.

Im Johr 1900 hèt d Bedrybergsellschaft vo dè Baanlinniè, d Compagnie du Chemin de fer de Paris à Orléans (P.O.), diè Streggi in Richtig vom Pariser Stadtzèntrum volängerèt. Dè Baanhof Gare d’Orsay, wo am 14. Juli 1900 wèg dè Wältuusschtellig eröffnet worrè isch, hèt vo dört wèg bis 1939 als neuè Èndpungt für d Fèrnzüüg diènt.

1906 isch diè glychnammige Hochbaenschtation vo dè Pariser Métro in Bedryb gnõ worrè. Sellè iri Gleis un Baanschteig chrützed d Baanhofshallè rächtwinklig übber dè Ysebaaanlagè.

Vokeer ändere

Sit dè Inbedrièbnaam vo dè Hochgschwindigkeitsschtreggi LGV Atlantique hèt dè Baanhof dè gröschte Deil vo dè Fèrnzugvobindigè in Richtig Süd-Weschtè a dè Baanhof Weschtbaanhof volorè. Si Faargaschtuffchô lyt bi 25 Millionè Passagyr bro Johr (68 000 bro Daag), wa d Hälfti vo Frequènz vom Weschtbaanhof entschprèchè duèt.

Nebbè dè übrigblibbènè Züüg vo dè SNCF vokeerèd am Gare d’Austerlitz d Linniè 5 un 10 vo dè Pariser Métro sowiè d S-Baan-Linniè RER C.

Zuèkumpft ändere

 
Gleisvorfäld, dehinter dè Gebäudekomplèx vo dè Französischè Nationalbiblioteek
 
Bahnsteighalle
 
Bahnsteige

Gare d'Austerlitz isch dè einzige v sebbè sechs Pariser Baanhööf, wo nit komplètt uusglaschtet isch. Mit èm Bau vo dè Schnèllfaarschtreggi Südwèscht-Atlantik gu Bordeaux isch uff 2020 blaant, denn TGV-Züüg èrschtmôls ab èm Süd-Baanhof z offeryrè, well dè Baanhof Montparnasse hüt (Stand: 2015) schu a sini Gränzè stòsst. Nu dõdefür isch èn vyrgleisigè Aabau dezuè baut worrè, für wellè s Baanhofsrestaurant Le Grenadier hèt müèsè voschwindè. D Schinnè volaufèd denn witer unter dè Avenue de France bis zum Baanhof bi dè Mitterand-Biblioteek. D Fèrtigschtellig vom Büèz isch für 2020 aadenkt, d Koschtè für s Brojèkt, inklusiv dè Renovyrig vo dè Haupthallè un dè denkmòlgschütztè Fassadè, sin bis uff 600 Millionè Euro gschtigè.[3]

Gallery ändere

  •  
    Bligg quer durch d Fèrnbaanhallè uff d Metroschtation, drunter d Gleis in Richtig Musée d’Orsay, 2006
  •  
    Sitèflügel mit èm Baanhofsrestaurant Le Grenadier, 1994
  •  
    Gleis im Erwiterungsbau
  •  
    Öschtlichè Baanhofskopf

Weblinggs ändere

  Commons: Gare d'Austerlitz – Sammlig vo Multimediadateie

Einzelnõchwys ändere

  1. ↑ LA SATURATION DU RESEAU FERRE FRANCILIEN. Archiviert vom Original am 2. September 2009; abgruefen am 25. April 2010. (PDF; 685 kB)
  2. ↑ Jean Tricoire: Un siècle de métro en 14 lignes. De Bienvenüe à Météor. La Vie du Rail, Paris 2004, ISBN 2-902808-87-9, S. 196
  3. ↑ La gare d'Austerlitz va s'offrir un balcon sur la Seine lefigaro.fr


  Dä Artikel basiert uff ere fräie Übersetzig vum Artikel „Paris_Gare_d’Austerlitz“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Paris_Gare_d’Austerlitz&oldid=951783"