Lyoner Baanhof
| Gare de Lyon | |
|---|---|
| |
| Fassadè vom Gare de Lyon | |
| Daate | |
| Bedriibsart | Kopfbahnhof |
| Perron | 23 |
| Passaschier | ca. 227.000[1] |
| Eröffnig | 12. Auguscht 1849 |
| Profil uf SNCF.fr | Code: frply |
| Architektonischi Date | |
| Archidekt | Marius Toudoire |
| Laag | |
| Stadt | Paris |
| Département | Paris |
| Region | Île-de-France |
| Staat | Frankreich |
| Koordinate | 48° 50′ 41″ N, 2° 22′ 25″ O |
| Iisebahnstreckene | |
| |
| Lischte vo de Bahnhööf z Frankriich | |
Dè Gare de Lyon, dütsch Lyoner Baanhof odder Pariser Südoschtbaanhof, ghört zu dè bedütendschtè Baanhööf z Europa un glychzitig zu dè Sehenswürdigkeitè vo Paris. Er lyt im 12. Arrondissement.
Im Fèrnvokeer gön d Züüg vom Gare de Lyon TGV nõch Süd- un Südoschtfrankrych sowiè i dè Schwiz, nõch Südweschtdütschland[2] un dõdemit Mittè i s Härz vu dè Alemannia, nõch Spanniè un gu Italiè . Denebbè bschtòt è Nachtzùgvobindig gu Venedig. S git Umschtygemöglichkeitè i d Pariser S-Baan-Züüg vo dè Linien A und D. I dè unterirdischè Métroschtation bschtön Vobindigè zuè dè Métrolinniè 1 un 14. Mit ca. 83 Mio. Bassagyr im Johr (227.000 bro Daag) ghört dè Lyoner Baanhof zuè dè drei vokeersreichschtè Pariser Bahnhööf.
Gschichtè
ändereDè Baanhof isch i dè Johr 1895-1902 vom Architèkt Marius Toudoire baut worrè. Als Bauherr isch s Ysèbaanunternämmè Compagnie Paris-Lyon-Méditerranée (PLM) uffdeèttè; dè Aalass isch d Wältuusschtellig im Johr 1900 gsi. Diè rych vozyrti Fassadè hèt è Längi vo ca. 100 m, dè drin integryrte Turm isch 64 m hoch. Zum Zitpunkt, wo mò-n fèrtig gschtellt hèt, hèt er übber 13 Baanschteig voduègt. I dè Johrè 1962-1972 isch dè Baanhof umbaut worrè.
Am 27. Juni 1988 hèt sich è schwers Zùguglück abgschpillt, bi dèmm 56 Personè ums Läbbè chò un 57 voletzt worrè sin, wo-nè Zùg uugbrèmst i dè Baanhof y- un uff èn wartendè Zùg uffgfaarè isch. Dõdeby hèt sich vo allèm usègschtellt, dass es Notfallsischteem vom Lyoner Baanhof mangelhaft gsi isch, well s alli Weichè im Baanhof blockyrt hèt.
Le Train Bleu
ändere
Im Baanhofsgebäude git s è bekannts Restaurant Le Train Bleu (als. Dè Blaue Zùg) mit dè prunkvollè denkmòlgschütztè Dekoration uss dè Zit um 1900. S isch ebbèfalls vom Marius Toudoire entworfè worrè, diè 41 Bilder im Innerè sin bi 30 Mòler in Uffdraag gää worrè. D Themè vo dè Wandmòlereiè sin vo allem d Städt un Regionè, wo s Bahnnetz vo dè Gsellschaft PLM früèner mit Paris vobundè hèt - zu sellènè ghört au d Tendabaan.
Bsunders rych uusgschtattet sin dè Goldene Saal (er isch 18,5 m lang, 9 m breit un 11 m hoch) un dè Große Saal (er isch 26 m lang, 13 m breit und 11 m hoch).
Literadur
ändere- Julia Droste-Hennings, Thorsten Droste, Paris, DuMont Volaag 2003, ISBN 3-7701-6090-8 (S. 338)
- Paris. Die schönsten Restaurants, DuMont Volaag Kölle 1994, ISBN 3-7701-3300-5 (S. 227-235)
- Karen Bowie (Hg.), Les grandes gares parisiennes au XIXe siècle, Paris 1984, ISBN 2-905118-01-6 (drin au: Pauline Prevost-Marcilhacy, „Le décor du Buffet de la Gare de Lyon“, S. 144-158)
Einzelnõchwys
ändere- ↑ LA SATURATION DU RESEAU FERRE FRANCILIEN. Archiviert vom Original am 2. September 2009; abgruefen am 25. April 2010. (PDF-Datei; 669 kB)
- ↑ TGV: Neui Vobindig Fryburg—Paris
Weblinggs
ändere
Commons: Gare de Lyon – Sammlig vo Multimediadateie
|
Dä Artikel basiert uff ere fräie Übersetzig vum Artikel „Paris_Gare_de_Lyon“ vu de dütsche Wikipedia. E Liste vu de Autore un Versione isch do z finde. |