Paul Karrer

Dr Paul Karrer (* 21. April 1889 z Moskau; † 18. Juni 1971 z Züri isch e Schwiizer Chemiker gsy. Er isch Nobelprystreeger für Chemii.

dr Paul Karrer

Leben

Dr Karrer het a dr Uni Züri d Chemii studiert. Denn isch er a dr Uni Assischtänt gsy, und vo 1912 bis 1918 het er im ene Medizinlaboor z Frankfurt am Main gschaffet. 1918 isch er a dr Uni Züri Profässer woorde; im akademische Joor 1950 bis 1915 isch er au dere ire Räkter gsy.

Dr Paul Karrer het sech mit syne Forschige zu Pflanzefarbe, Vitamin und medizinisch würksame Stoff a Naame gmacht, und doo drfüür het er ane 1937 dr Nobelprys überchoo. Sys Lehrbuech „Lehrbuch der organischen Chemie“ vo 1927 isch es Standardwärch vom Fach.

Er isch ane 1971 gstorbe; sys Grab isch uf em Fridhof Fluentere.

Literatur

• Hans-Jürgen Hansen: Karrer, Paul. In: Historisches Lexikon vo dr Schwiiz.
• Gerhard Hesse: Karrer, Paul. In: Neue Deutsche Biographie (NDB). Band 11, Duncker & Humblot, Berlin 1977, ISBN 3-428-00192-3, S. 297–299.