Poetry Slam uf Alemannisch
Unter em Titel „Wie d‘Schnurre gwachse isch!“ git s syter 2022 e Poetry Slam uf Alemannisch.
dr 1. Poetry Slam ändere
Dr erscht Poetry Slam het am 29. Oktober 2022 z Bernau im Schwarzwald stattgfunde. Organisiert hän där Poetry Slam d Muettersproch-Gsellschaft un dr Naturpark Südschwarzwald e. V. D Schirmherrschaft het d Gmai Bernau ibernuu, s SWR4 Studio Fryburg het dr Poetry Slam mitpresäntiert un au ufgnuu.
Bis zum 31. Mai 2022 het mer si chenne bewärbe fir e Dailnahm mit eme Täxt oder eme churze Video uf Alemannisch. Mitmache hän alli chenne, wu s 35 Lääbesjohr nonig abgschlosse ghaa hän.
Emänd het s sibe Dailnämer*ne gee:
- Dario Bednarz
- Fabian Bürkin alias Dr. Haribert Schätzle
- Valo Christiansen
- Sandhya Hasswani
- Mika Jehle
- Ingrid Ruesch
- Tabea Steinger
Di Dailnämer*ne sin in zwoo Gruppe gegenenander aadrätte. Us em Publikum isch e fimfchepfigi Jury uusgwehlt wore, wu Pinkt vergee het. Di baide Siger*ner us dr bode Gruppe un die Person, wu insgsamt s drittbescht Ergebnis ghaa het, sin im Finale nomol gegenenander aadrätte, des sin dr Fabian Bürkin, d*r Valo Christiansen un d Ingrid Ruesch gsii. Im Finale het schließli s Publikum per Applaussterki entschide. Gwunne het dr Poetry Slam emänd d Ingrid Ruesch.
Moderiert woren isch dr Oobe im Kurhuus Bernau vu dr Marion Eiche vum SWR un em Jürgen Hack vu dr Muettersproch-Gsellschaft. In dr Pause het s Duo Knaschtbrüeder vu Schopfe gsunge.
dr 2. Poetry Slam ändere
Dr zweet Poetry Slam uf Alemannisch isch am 28. Oktober 2023 im Kurhuus z Ditisee gsii. Organisiert hän au dr 2. Poetry Slam d Muettersproch-Gsellschaft, dr Naturpark Südschwarzwald e. V., dr SWR un d Hochschwarzwald Tourismus GmbH.
Im Unterschid zue dr erschte Uusgab vum Poetry Slam het s desmool kai Altersbschränklig gee, mitmache hän alli chenne, wu Alemannisch chenne. Zum Finale im Kuurshuus Ditisee sin acht Lyt yyglade woore, moderiert hän die Veraastaltig wie bim erschte Mol d Marion Eiche vum SWR un em Jürgen Hack vu dr Muettersproch-Gsellschaft.
Mitgmacht hän bim Poetry Slam acht Lyt:[1]
- Rolf Breisacher
- Margot Höferlin
- Carola Horstmann
- Bert Kohl
- Stefanie Kunert
- Bettina Meisl
- Beate Ruf
- Uschi Walkenhorst
Wie bim erschte Poetry Slam sin au desmool wider us däne acht vun ere fimfchepfige Jury drei uusglääse woore, wu derno im Finale gegenenander aadrätte sin un vum Publikum per Applaus entschide woren isch. Gwunne het dr zweet Poetry Slam d Carola Horstmann, wu z Dänzlinge wohnt un si im Finale gege d Beate Ruf vu Fryburg un dr Rolf Breisacher vu Gietebach duregsetzt het. As Ramebrogramm isch s Comedy-Duo Funnymoon ufdrätte.
dr 3. Poetry Slam ändere
Dr dritt Poetry Slam uf Alemannisch isch blant fir dr 24. Mai 2024 im Burghof Löörech im Rame vun eme Dreiländer-Mundart-Feschtival[2] un isch wider fir jungi Lyt uusgschribe (zwische 16 un 39 Johr).
Weblink ändere
- Karin Steinebrunner: Poetry-Slam auf Alemannisch in Bernau, Badische Zeitung, 30. Oktober 2022
- Karin Steinebrunner: Ingrid Ruesch aus Freiburg siegt beim ersten alemannischen Poetry Slam in Bernau, Badische Zeitung, 30. Oktober 2022
- Matthias Zeller: Erster Poetry Slam auf Alemannisch begeistert, SWR, 30. Oktober 2022
- Karin Steinebrunner: Wie d’Schnure gwachse isch! So war’s beim ersten Poetry Slam auf Alemannisch in Bernau, Badische Zeitung, 31. Oktober 2022
- Matthias Zeller, Marion Eiche: Denzlingerin gewinnt "2. Alemannischen Poetry Slam", SWR, 29. Oktober 2023
- Gabriele Fässler: Denzlinger Mundartautorin Carola Horstmann siegt beim Alemannischen Poetry Slam, Badische Zeitung, 6. Novämber 2023
Fueßnote ändere
- ↑ Mundart beim 2. alemannischen Poetry-Slam im Kurhaus Titisee - Gewinnerin Carola Horstmann aus Denzlingen überzeugte mit gefühlvollem Abschlusstext uf regiotrends.de
- ↑ 3. alemannischer Poetryslam, Burghof Lörrach, 24.05.2024