Rangschierbaanhof Limettaal

Der Rangschierbaanhof Limettaal isch e grossi technischi Alaag vo der SBB im Limettaal. Das technische Sischteem, wo bis anne 1978 bout worden isch, gilt wyt über d Schwiiz use als eine vo de grööschte Rangschierbaanhööf vo Öiropa.

der Rangschierbaanhof Limettaal

Däm Baanwäärch sys riisige Gleisfäld lyt uf em Bode vo de Gmeinde Spreitebach im Kanton Aargau und Dietiken im Kanton Züri. Es bruucht öppe ei ganze Kwadratkilometer. Drüü Gwässer flüssen under de Gleis dure: d Reppisch, der Spreitebacher Dorfbach und der Bach, wo us em Dietiker Niderfäld chunt und bi Silbere in Spreiteibacher Dorfbach ymündet. Für d Gleis het d SBB töörffe d Sptreitebacher Underzälg und d Middelzälg und s Dietiker Moos verboue. Wäg em Bou vom Güeterbaanhoof und vo der Verbindigsstrooss vo der Hauptstross im Limettaal zu der Autobaanuuffaart uff d A 1 und uff Ötwil übere, het me d Kantonsgränze im Fäld usse ganz nöi usgrichtet.

Bi de Baanhööf vo Kilwange-Spreitebach und vo Dietike zweige d Gleis zum Rangschierbaanhof vo der Baanlinie durs Limettaal ab. S Gleisfäld isch grad uf der Süüdsyte vo dere bedüütende Ysebaanlinie, wo d Züüg vo Basel und Bäärn uff Züri drüberfaare.

Uf em Rangschierbaanhof lueget d Division Infrastruktur vo der SBB füre gsamt Betriib, und d SBB-Dochterfirma SBB Cargo macht der Rangschiervercheer. Uf em Hauptfäld, wo vieresächzg Gleis näbenand het, wärde d Güeterzüüg zämegstellt, wo je nach Zyyl gäge Weschten und gägen Oschten us em Baanhof usefaare. Für d Stüürig vom Betriib het der Baanhof zwöi Stellwäärch.

I der nöischte Zyt gits bi der SBB Plään, bim grosse Baanhoof au no en Umschlagplatz für Kontäiner hiiztue.

Weblink

 Commons: Rangierbahnhof Limmattal – Sammlig vo Multimediadateie

47.4198328.385066