Rembrandt van Rijn

Dr Rembrandt Harmenszoon van Rijn (* 15. Juli 1606 z Leiden; † 4. Oktober 1669 z Amsterdam; bekannt under sim Vornaame Rembrandt) gältet as äine vo de bedütendste und bekanntiste niiderländische Künstler vom Barock. Er het wääred em Goldige Zitalter vo de Niiderland gschafft, wo s Land e bolitischi, wirtschaftligi und künstlerischi Blüetezit erläbt het. Dr Rembrandt het bim Pieter Lastman studiert, 1625 z Leiden si ersts Ateliee ufdoo und scho bald d Ufmerksamkäit vo de Lüt uf sich zooge. 1631 isch er uf Amsterdam züüglet, won er sich zum ene gfiirte Künstler entwicklet het. Drotzdäm het er immer wider groossi finanzielli Brobleem ghaa und isch 1656 in Konkurs gange und isch schliesslig in Armuet gstorbe.

Dr Rembrandt het as Mooler, Radierer und Zäichner gschafft, het e Wärkstatt gläitet und Künstler usbildet. Si Gsamtwärk umfasst under anderem Bordret, Landschafte und biblischi und mythologischi Themene. Zu sine bekanntiste Arbäite zele D Bländig vom Simson, D Nachtwach, D Anatomii vom Dr. Tulp und S Hundertguldeblatt. In sine Historiebilder het dr Rembrandt e Hufe Motiiv ufgriffe, wo bis denn künstlerisch nid bearbäitet worde si, oder het noch nöije Darstelligsmögligkäite für dradizionelli Motiiv gsuecht. E Hufe vo dene Wärk zäichne sich dur starki Hell-Dunkel-Kontrast us, und dorum gältet er as e Mäister vom Chiaroscuro.

Im Rembrandt sini Bilder si scho zu sine Läbzite kopiert worde. Noch sim Dood het mä sini koloristischi Moolwiis in dr Kunstkritik und Kunstliddratuur vom Klassizismus negativ bewärtet, aber sini Wärk si bi de Sammler seer beliebt gsi und düür verchauft worde. Im 18. Joorhundert het dr Rembrandt Noochfolger under de dütsche und änglische Künstler ghaa. Si Lääbe isch in dere Zit müstifiziert und mit Legände usgschmückt worde; erst in dr Middi vom 19. Joorhundert het mä us däm Rembrandt-Bild dur Kwelleforschig si Lääbe rekonstruiert. Sit de 1970er Joor beschäftigt sich s Rembrandt Research Project mit dr Erforschig vo de Wärk vom Rembrandt und het deren iiri Authentizität undersuecht. So isch d Zaal vo de Bilder, wo cha bewiise wärde, ass si dr Rembrandt sälber gmoolt het, uf öbbe 350 gsunke.

E baar vo sine Wärk

In dere Liste het s 27 Wärk vom Rembrandt, won e representative Kwerschnitt dur si moolerischs Wärk daarstelle. D Uswaal orientiert sich am Buch Rembrandt vom Michael Kitson, wo 2007 bi dr Phaidon Press z Nöi York erschiine isch.

Ditel	Entstande	Gröössi, Materiaal	Usstellig/Sammlig/Bsitzer
D Stäinigung vom Häilige Stephanus	1625	89,5×123,6 cm, Ööl uf Holz	Musée des Beaux-Arts z Lyon
Dr Tobias verdächtigt sini Frau ass si gstoole häig	1626	39,5×30 cm, Ööl uf Holz	Rijksmuseum z Amsterdam
Dr Bileam und d Eselin	1626	65×47 cm, Ööl uf Holz	Petit Palais z Bariis
Dr Simeon im Tämpel	1631	61×48 cm, Ööl uf Holz	Mauritshuis z Den Haag
D Anatomii vom Dokter Tulp	1632	216,5×169,5 cm, Ööl uf Liinwand	Mauritshuis z Den Haag
D Saskia als Flora	1634	125×101 cm, Ööl uf Liinwand	Eremitasche z Sankt Petersburg
S Mool vom Belsazar	1635/1639	209×167 cm, Ööl uf Liinwand	National Gallery z London
D Begraabig vom Christus	1635	32×40,5 cm, Ööl uf Holz	Hunterian Museum and Art Gallery z Glasgow
Dooti Pfaue	1639	145×135,5 cm, Ööl uf Liinwand	Rijksmuseum z Amsterdam
S Bordret vo dr Agatha Bas	1641	104×82 cm, Ööl uf Liinwand	Buckingham Palace z London
D Nachtwach	1642	437×363 cm, Ööl uf Liinwand	Rijksmuseum z Amsterdam
Dr Christus und d Ehebrächere	1644	83,8×65,4 cm, Ööl uf Holz	National Gallery z London
D Susanna und die bäide Alte	1647	76,5×92,8 cm, Ööl uf Holz	Gmäldegalerii z Berlin
S Hundertguldeblatt (Die chliine Chinder wärde zum Christus brocht)	1647–1649	27,8×38,8 cm, Chaltnoodleradierig	Rijksmuseum z Amsterdam
Dr Christus z Emmaus	1648	68×65 cm, Ööl uf Holz	Louvre z Bariis
E Christus noch em Lääbe	1648	25 × 21,5 cm, Ööl uf Holz	Gmäldegalerii z Berlin
S Bordret vom Jan Six	1654	112×102 cm, Ööl uf Liinwand	Collectie Six z Amsterdam
Hendrickje wo baadet	1655	61,8×47 cm, Ööl uf Holz	National Gallery z London
Dr polnisch Riter	1655	115×135 cm, Ööl uf Liinwand	Frick Collection z Nöi York
Dr Sääge vom Jakob	1656	211×178 cm, Ööl uf Liinwand	Gmäldegalerii Alti Mäister z Kassel
Die anatomischi Vorlääsig vom Dr. Deyman (Fragmänt)	1656	100×134 cm, Ööl uf Liinwand	Amsterdam Museum z Amsterdam
Zwäi jungi Afrikaner	1661	78×64,5 cm, Ööl uf Liinwand	Mauritshuis z Den Haag
D Verschwöörig vom Julius Civilis (Fragmänt)	1661/1662	196×309 cm, Ööl uf Liinwand	Schwedisches Nationalmuseum z Stockholm
S Bordret vo de Vorsteher vo dr Duechmacherzumft	1662	191,5×279 cm, Ööl uf Liinwand	Rijksmuseum z Amsterdam
Sälbstbordret as Zeuxis	1663	82,5×65 cm, Ööl uf Liinwand	Wallraf-Richartz-Museum & Fondation Corboud z Köln
Sälbstbordret	1665	114×94 cm, Ööl uf Liinwand	Kenwood House z London
D Juudebrut	um 1666	121,5×166,5 cm, Ööl uf Liinwand	Rijksmuseum z Amsterdam

Liddratuur

Eckbert Albers: Erkenntnismomente und Erkenntnisprozesse bei Rembrandt. Georg Olms Verlag, Hildesheim 2008, ISBN 978-3-487-13831-2
Svetlana Alpers: Rembrandt als Unternehmer. Sein Atelier und der Markt. DuMont Literatur und Kunst, Köln 2003, ISBN 3-8321-7297-1.
Kristin Bahre u. a. (Hrsg.): Rembrandt. Genie auf der Suche. DuMont Literatur und Kunst, Köln 2006, ISBN 3-8321-7694-2
Renate Barth: Rembrandt. Radierungen. Stiftung Weimarer Klassik und Kunstsammlungen, Weimar 1981, ISBN 3-929323-03-6.
Holm Bevers: Rembrandt. Die Zeichnungen im Berliner Kupferstichkabinett. Kritischer Katalog. Hatje Cantz, Ostfildern 2006, ISBN 978-3-7757-1817-2.
H. Perry Chapman: Rembrandt's self-portraits. University Press, Princeton, N.J. 1990, ISBN 0-691-04061-3.
Jean Genet: Rembrandt. Ein Fragment. Merlin-Verlag, Gifkendorf 1996, ISBN 3-926112-61-1.
Michael Kitson: Rembrandt. Phaidon Press Inc., New York City 2007. ISBN 978-0-7148-2743-8.
Otto Pächt: Rembrandt, hrsg. von Edwin Lachnit, Prestel, München 1991; 2. Auflage, 2005
Simon Schama: Rembrandts Augen. Siedler Verlag, Berlin 2000, ISBN 3-88680-702-9.
Gary Schwartz: Das Rembrandt Buch. Leben und Werk eines Genies. C H Beck Verlag, München 2006, ISBN 3-406-54369-3.
Singer, Hans W. und Jaro Springer (Hrsg.): Rembrandts sämtliche Radierungen. München, Holbein o. J. [1914]. 312 Reproduktionen.
Christian Tümpel: Rembrandt. Mythos und Methode. Langewiesche, Königstein/T. 1986, ISBN 3-7845-9290-2.
Christian Tümpel: Rembrandt. Rowohlt Taschenbuch Verlag, Reinbek 2006, ISBN 3-499-50691-2.
Christian Tümpel: Rembrandt. Images and Metaphors. Haus Publishing, London 2006, ISBN 1-904950-92-2
Christopher White: Rembrandt as an etcher. Yale University Press, New Haven, Conn. 1999, ISBN 0-300-07953-2.
Christopher Wright: Rembrandt. Self-portraits. Hirmer, München 2000, ISBN 3-7774-8580-2
Stichting Foundation Rembrandt Research Project (Hrsg., 2005): A Corpus of Rembrandt Paintings – IV. Autoren: Ernst van de Wetering, Karin Groen, u. a. Springer-Verlag, Dordrecht, the Netherlands, ISBN 1-4020-3280-3. (engl. – Selbstbildnisse; davor sind 3 Bände bereits erschienen)
A Corpus of Rembrandt Paintings – Volume I. Kluwer Academic Publishers, 1982. ISBN 978-90-247-2614-1
A Corpus of Rembrandt Paintings – Volume II: 1631–1634. Bruyn, J., Haak, B. (et al.), Band 2, 1986, ISBN 978-90-247-3339-2
A Corpus of Rembrandt Paintings – Volume III, 1635–1642. Bruyn, J., Haak, B., Levie, S.H., van Thiel, P.J.J., van de Wetering, E. (Hrsg.), Band 3, 1990, ISBN 978-90-247-3781-9
Christopher White (Hrsg.): Rembrandts Selbstbildnisse. Belser Verlag, Stuttgart 1999, ISBN 3-7630-2370-4
Joseph Eduard Wessely: Rembrandt van Rijn. In: Allgemeine Deutsche Biographie (ADB). Band 28, Duncker & Humblot, Leipzig 1889, S. 193–197.
A Corpus of Rembrandt Paintings V The Small-Scale History Paintings Erst van de Wetering (Hrsg.), 2011, ISBN 978-1-4020-4607-0

Weblingg

Commons: Rembrandt – Sammlig vo Multimediadateie
Wärch vo Rembrandt van Rijn bi Zeno.org
Suech no Rembrandt, Harmensz, van, Rijn in dr Dytsche Digitale Bibliothek (DDB)
Rembrandt van Rijn: Life and Art, archiviert auf Archive.org
„Falscher Goldhelm“, Die Zeit, Nr. 29, 13. Juli 2006, Interview mit dem Rembrandtforscher Ernst van de Wetering

Dä Artikel basiert uff ere fräie Übersetzig vu dere Version vum Artikel „Rembrandt_van_Rijn“ vu de dütsche Wikipedia. E Liste vu de Autore un Versione isch do z finde.