Roberto Schmidt
| Dialäkt: Wallisertitsch |
Der Roberto Schmidt, wa am 16. Juli 1962 z Siders uf d Wäält isch cho (Heimatoort isch Leigg) isch en Schwizer Politiker (CSPO/CVP). Sit 2017 isch er Staatsrat vam Kanton Wallis. Är steit dum Departemänt fer Finanze und Energii vor. Vam 1. Mai 2022 bis am 30. April 2023 ischer der Presidänt vam Staatsrat gsi.
Läbu
ändereDer Roberto Schmidt isch Jurist. Va 2001 bis 2005 isch Gmeiraat va Leigg gsi, 2005 bis 2017 isch er Gemeipresidänt gsi.
Binu Waalen vam 21. Oktober 2007 isch er vam Kanton Wallis inu Nationalraat gwäälte cho. Är isch Mitglied vaner Christlichsoziaalu Volkspartii Oberwallis (CSPO). Der Schmidt isch bis 2011 iner Staatspolitisch Kommissioo und iner Kommissioo fer Umwelt, Rümplaanig und Energii gsi. Binu Waalen vam 23. Oktoober 2011 isch er de nit widergwäälte cho, aber derfir de wider binu Nationalraatswaale 2015. Va daa wäg ischer de bis 2017 wider im Nationalraat gsi. Im April 2011, naa der Atoomkatastroofa va Fukushima, isch der Roberto Schmid deer gsi, wa d entscheidund Motioo het igreicht, wa du Schwizer Atoomüsstig het igleitut.[1][2]
Binu Waale vaner Kantoonsregierig isch der Schmidt im März 2017 iner Stichwaal inu Walliser Staatsrat gwäälte cho. 2021 isch er de widergwäälte cho. Er steit dum Departemänt fer Finanze und Energii vor. Vam 1. Mai 2022 bis 30. April 2023 ischer der Presidänt vam Staatsrat gsi; schiine Vorgänger in dem Amt isch der Frédéric Favre gsi, schiine Naachfolger der Christophe Darbellay.[3]
Der Schmidt isch sit 2004 Kinschtlerische Leiter vaner Operette Leigg und Mitiniziant va dem Kultur-Ereigniss.[4] Är isch Tirigänt vanu Kirchucheer St. Stephan z Leigg und St. Theresia z Suschtu gsi.[4]
Der Schmidt isch verheiraatute und wont z Leigg. Är het en erwagsuni Meitja.
Politischi Ämter
ändere- Gmeiraat va Leigg (2001–2005)
- Gmeipresidänt va Leigg (2005–2017)
- Nationalraat (2007–2011 und 2015–2017)
- Staatsraat (sit 2017)
Weblink
ändere- Roberto Schmidt uf dr Websyte vo dr Bundesversammlig
- Roberto Schmidt ufer Websita vam Kantoo
- Persöönlichi Websita vam Roberto Schmidt
Füessnoote
ändere- ↑ 11.3436 Motion. Schrittweiser Ausstieg aus der Atomenergie. In: Parlament.ch, 14. April 2011.
- ↑ «Der Bundesrat soll schon jetzt die Strommangellage ausrufen». In: Tages-Anzeiger, 17. September 2022.
- ↑ Roberto Schmidt folgt auf Frédéric Favre. In: Amtsblatt Wallis, 6. Mai 2022.
- ↑ 4,0 4,1 Musikalisches und kulturelles Engagement. In: Website Roberto Schmidt, abgerufen am 18. September 2022.
|
Dä Artikel basiert uff ere fräie Übersetzig vu dere Version vum Artikel „Roberto_Schmidt“ vu de tüütsche Wikipedia. E Liste vu de Autore un Versione isch do z finde. |