Rorschach

Roosche isch e Stadt im Kanton Sanggalle.

Roosche (Rorschach)
Wappe vo Roosche (Rorschach)
Basisdate
Staat:	Schwiiz
Kanton:	St. Galle (SG)
Wahlchrais:	Rorschach
BFS-Nr.:	3215i1f3f4
Poschtleitzahl:	9400
UN/LOCODE:	CH RRC
Koordinate:	754900 / 26070047.4788149.493842400
Höchi:	400 m ü. M.
Flächi:	1.78 km²
Iiwohner:	9777 (31. Dezämber 2022)
Website:	www.rorschach.ch
Charte
Charte vo Roosche (Rorschach) ww

Geografy

Roosche isch e Gmeind vom Sanggaller Waalchrais Roosche. D Stadt lyt am Bodesee und do drmit au a dr Landesgränze vo dr Schwiiz. Bim Hafe vo Roosche isch dr süüdlichschti Punkt vom ganze See.

S Stadtgebiet isch ganz chly, es het nume wenig meh als anderthalb Kwadratkilometer. Roosche isch drfüür es starchs Zäntrum von ere Agglomerazioon em Seeufer noo, wo öppe 25'000 Ywooner het. Do drzue ghöret die diräkte Nochbergmeinde, wo ringsume sind: Rorschacherbärg und Goldach, und dänn no Alterhy, Tübach und s tuurgauische Dorf Hoorn, wo als tuurgauischi Exklaafe im Sanggaller Kantonsgebiet lyt..

D Stadt lyt im schmale Ufergebiet unden am Bärg vom Füüfländerblick.

Gschicht

Roosche isch im ene Dokumänt vo anne 850 zäme mit Goldach s erschte Mol gnänt. Dr Ortsname isch zämegsetzt us de zwöi alte düütsche Wörter rōr, wo “Schilf” bedüütet, und scahho, also “Schache.”

Anne 947 het s Chlooschter Sanggalle vom König Otto em Erschte s Rächt vom Märt, s Münzregal und dr Zoll vo Roosche übercho. Dr Ort am See isch also eine vo de eltischte Märtplätz i dr Oschtschwiiz.

Im 15. Joorhundert isch s Chlooschter Mariabäärg bi Roosche bout worde; do drin isch hüt die Pädagogischi Hochschuel vom Kanton Sanggalle.

Wirtschaft

Grösseri Undernääme z Roosche sind:

• d Zollern-Mimtec AG
• d Würth
• d Frisco-Findus AG
• d Brauerei Lööwegarte
• d Konsärvefabrigg ROCO
• d Aluminiumfabrigg
• d Feldmühle AG

Vercheer

Roosche het en Seehafe, en Baanhof a dr internazionale Ysebbanlinie vo Sanggalle uf Bregänz und uf Chur, dr Baanhof vo de Hääde-Bärgbaan. D Autobaan A 1 goot nid dur s Stadtgebiet, sondern ussedure dur s Piet vo Rorschacherbärg.

Bilder

• 
  s Chornhuus
• 
  am See
• 
  s Pestalozzischuelhuus
• 
  s Chlooschter Mariebäärg
• 
  en alti Poschtchaarte vo Roosche (1010)

Literatur

• Lorenz Hollenstein: Rorschach. In: Historisches Lexikon vo dr Schwiiz.

Weblink

 Commons: Rorschach – Sammlig vo Multimediadateie

• Website vo dr Stadt Roosche