Salerno

Salerno, in dr Antike Salernum (latiinisch), isch e Haafestadt am Golf vo Salerno, im Süde vo Italie. Dr Naame vo dr Stadt goot uf s römisch Salernum zrugg, won e Kolonii und Milidäärlaager gsi isch. Salerno isch hüte d Hauptstadt vo dr Browinz Salerno in Kampanie und sit 1970 Universidäätsstadt. In de Joor noch em Zwäite Wältchrieg het sich Salerno zun ere middelgroosse Stadt entwicklet, was si bis hüte mit öbbe 135.000 Iiwooner bliiben isch.

Salerno
	Salerno (Italien) Salerno
Staat:	Italie
Region:	Kampanien
Provinz:	Salerno (SA)
Koordinate:	40° 41′ N, 14° 46′ O40.68333333333314.7666666666674
Hechi:	4 m s.l.m.
Flechi:	59 km²
Yywohner:	128.136 (31. Dez. 2022)
Bevelkerigsdichti:	2173 Yyw./km²
Poschtleitzahl:	84121-84135
Vorwahl:	089
ISTAT-Nummer:	065116
Demonym:	Salernitani
Schutzpatron:	Evangelist Matthäus (21. September)
Website:	Salerno

Blick uf Salerno

Gschicht

Die erste Siidlige stamme us em nünte und säggste Joorhundert v. d. Z. Scho in dr Antike isch Salerno as Handelsblatz bedütend gsi und sini räin milidäärische Funkzioone si weniger wichdig worde. Im Middelalter het Salerno sine Handelsbeziejige zu Sizilie und Nordafrika en Ufschwung z verdanke ghaa. Salerno isch sit 983 Erzbischofssitz. Im Middelalter isch d Stadt wägen iirer Schuel für Erzt berüemt gsi. As Däil vom Köönigriich Neapel isch s im 15. Joorhundert spanisch worde. Piraate häi im 16. Joorhundert dr Stadt z schaffe gmacht und dr Niidergang isch au im 17. Joorhundert witergange. Erst mit dr Industrialisierig im Königriich Italie het sich d Stadt wider afo erhole.

Wirtschaft

Für die wirtschaftligi Entwicklig vo Salerno isch dr Konteinerhaafe vo grösster Bedütig. Die wichdigste Industriibrodukt si hüte Maschine, Naarigsmiddel und Teggstilie.

Weblingg

 Commons: Salerno – Sammlig vo Multimediadateie

• d Website vo de Gmeind Salerno
• Tourismus z Salerno und i de gliichnamige Provinz (italienisch)